ކުރިއަށް އޮތް ލޯކަލް ކައުންސިލު އިންތިހާބުގައި އިދިކޮޅު އެމްޑީޕީގެ ކެންޑިޑޭޓަކު އިންތިހާބު ކޮށްފިނަމަ ސަރުކާރު ހިންގާ ޕީއެންސީގެ ސިޔާސަތު ތަންފީޒު ނުކުރާނެ ކަމަށް ނައިބު ރައީސް އަލްއުސްތާޒު ހުސައިން މުހައްމަދު ލަތީފް ވިދާޅުވެއްޖެ އެވެ. 

ކޮންގްރެސް ޕާޓީގެ ހދ. އަތޮޅު މާލޭ ޖަގަހަ ހުޅުވުމަށް ރޭ ބޭއްވި ހަފްލާގައި ވާހަކަފުޅުދައްކަވަމުން ނައިބު ރައީސް ވިދާޅުވީ ޕީއެންސީގެ ސިޔާސަތު ވަރަށް ސާފުކޮށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވަމުން ގެންދަވާކަމަށާއި އެމަނިކުފާނުގެ ވައުދުތައް ވެސް ފޮތެއްގެ ސިފައިގައި ރައްޔިތުންނާ ހަމައަށް ގެނެސްދީފައިވާ ކަމަށެވެ. 

ތަރައްގީ ހޯދައިދެވޭނީ ތަރައްގީ ހޯދުމުގެ ވިސްނުން ހުރި ބަޔަކު ތިބެގެންކަން ނާއިބު ރައީސް ފާހަގަކުރެއްވި އެވެ. 

ރައީސް މުއިއްޒު ގެންގުޅުއްވާ ތަރައްގީގެ ވިސްނުން ވާދަވެރިންގެ ކިބައިން ނުފެންނާނެ ކަމަށާއި ތަރައްގީގެ މަޝްރޫއުތައް ކުރިއަށް ގެންދިއުމުގައި ޕާޓީގެ ވިސްނުމާއި ސަރުކާރުގެ ވިސްނުމާއި ކައުންސިލުތަކުގެ ވިސްނުން އެއްގޮތްވާން ޖެހޭ ކަމަށް އެމަނިކުފާނު ވިދާޅުވި އެވެ. 

ނައިބު ރައީސް ވިދާޅުވީ ރައީސް މުއިއްޒުގެ ތަރައްގީގެ ޕްލޭން އެމަނިކުފާނު އެކަށައެޅުއްވި ގޮތަށް ތަންފީޒު ކުރެވިގެން ދާނޭ ކަމަށެވެ. 

ރައްޔިތުންގެ މަޖިލީހުގެ އިންތިހާބާއި ރިޔާސީ އިންތިހާބު އެއް ދުވަހެއްގައި ބޭއްވުމަށް ޕީއެންސީން ތާއީދު ކުރުމާއެކު އެމްޑީޕީން އެކަމަށް ދެކޮޅު ހަދައި މަގުމަތީގެ ހަރަކާތެއް ބޭއްވުމަށް ނިންމާފައިވާތީ އެކަމަށް އިޝާރާތް ކުރައްވައި ނައިބު ރައީސް ވިދާޅުވީ އެމްޑީޕީން އުޅެނީ ގައުމު ހަލަބޮލި ކުރުމަށް ކަމަށެވެ. 

ސަރުކާރުގެ ސިޔާސަތުތައް ތަންފީޒު ކުރަނީ ރައްޔިތުންގެ އަޑު ނާހައި އަދި ކައުންސިލުތަކާ ބައްދަލުނުކޮށް ކަމަށް ބުނެ ވާދަވެރިންނަށް ސިޔާސީ ޕޯޑިއަމްތަކުގައި ވާހަކަ ނުދެއްކޭނެ ކަމަށާއި ވެރިކަމުގެ ފުތަރަމަ އަހަރު ރާއްޖޭގެ މީހުން ދިރިއުޅޭ ހުރިހާ ރަށަކަށް އެމަނިކުފާނު ވަޑައިގަންނަވާފައި ވާކަމަޑް  

ޤައުމުގެ އެންމެ މަތީ ވެރިޔާގެ ހައިސިއްޔަތުން، ދިވެހިރާއްޖޭގެ މީހުން ދިރިއުޅޭ ހުރިހާ ރަށަކަށް، ރެކޯޑް މުއްދަތެއްގެ ތެރޭގައި ޒިޔާރަތްކުރައްވައި ރާއްޖޭގެ ސިޔާސީ މައިދާނުގައި ތާރީހީ ކާމިޔާބީއެއް ރައީސް ޑރ. މުހައްމަދު މުއިއްޒު ހާސިލުކުރެއްވީ 20205 ވަނަ އަހަރުގެ ތެރޭގަ އެވެ.

އެގޮތުން އެމަނިކުފާނު ވަނީ މީހުން ދިރިއުޅޭ ހުރިހާ ރަށަކަށް، އެންމެ އެއް އަހަރާ 11 މަސްދުވަހުގެ ތެރޭގައި ދަތުރުކުރައްވައިފަ އެވެ.

އެންމެ 23 މަސްދުވަހުގެ ތެރޭގައި ރާއްޖޭގެ މީހުން ދިރިއުޅޭ ހުރިހާ ރަށަކަށް ރައީސް މުއިއްޒު ޒިޔާރަތްކުރެއްވުމަކީ، މި ސަރުކާރުން ރާއްޖޭގެ ތަރައްޤީއަށް ހަލުވި ދުވެލީގައި ކުރައްވަމުން ގެންދަވާ މަސައްކަތުގެ ސާފު ހެއްކެއްކަމަށް ގިނަ ބަޔަކު ދެކެ އެވެ.