މެދުއިރުމަތީގައި ފަށާފައިވާ ހަނގުރާމައާ ގުޅިގެން ދިވެހި އުމްރާވެރިންނަށް ގުޅޭނެ ހޮޓްލައިނެއް އިސްލާމީކަންތައްތަކާ ބެހޭ ބުޒާރާއިން އާއްމުކޮށްފިއެވެ. 

ދިވެހިރާއްޖެއިން އުމްރާއަށް ފުރާ ފަރާތްތަކަށް ހާއްސަ ހޮޓްލައިނެއް ގާއިމުކޮށްފައިވާކަން އާއްމުކުރީ އެ ވުޒާރާއިން މިއަދު އާއްމުކުރި ނޫސްބަޔާނެއްގައެވެ. 

އެ ވުޒާރާއިން ބުނީ، ގާއިމުކުރި ހޮޓްލައިނާ އެކު ހަނގުރާމައާ ގުޅިގެން ދިވެހިރާއްޖެއިން ޢުމްރާގެ އަޅުކަން އަދާކުރުމަށް ދަތުރުކުރާ ފަރާތްތަކާއި، ޢުމްރާގެ އަޅުކަން އަދާކުރުމަށް މިހާރު މައްކާގައި ތިބި އެންމެހާ ފަރާތްތަކުން، އެފަރާތްތަކަށް ދިމާވާ ޚާއްސަ ހާލަތްތަކާ ގުޅިގެން މަޢުލޫމާތު ޙިއްސާކުރުމާއި މަޢުލޫމާތު ހޯދޭނެ ކަމަށެވެ. 

މިކަމަށްޓަކައި އިސްލާމީކަންތައްތަކާ ބެހޭ ވުޒާރާއިން ގާއިމްކޮށްފައިވާ ހޮޓްލައިން ނަމްބަރަކީ:

އަދި ޚާއްސަ ކަމެއް މެދުވެރިވެއްޖެ ހާލަތެއްގައި ސަޢުދީ ޢަރަބިއްޔާގެ ރިޔާޟުގައި ހުންނަ ދިވެހިރާއްޖޭގެ އެމްބަސީގެ ހޮޓްލައިން ނަންބަރު +966506894477)) އާއި ސަޢުދީ ޢަރަބިއްޔާގެ ޖިއްދާގައި ގާއިމުކޮށްފައިވާ ދިވެހިރާއްޖޭގެ ކޮންސިއުލޭޓުގެ ހޮޓްލައިން ނަންބަރު +966530838329)) އަށް ވީ އެންމެ އަވަހަކަށް އެންގެވުމަށް ވުޒާރާއިން އެދެއެވެ.

އިސްލާމީކަންތައްތަކާ ބެހޭ ވުޒާރާއިން ބުނީ، މައްކާގައި ތިބި އުމްރާވެރީންގެ ކަންކަން ވުޒާރާގެ ފަރާތުން ވަރަށް ގާތުން ބަލަމުންދާ ކަމަށެވެ.