ރ. އިންނަމާދޫ ހެލްތު ސެންޓަރު އަޕްގްރޭޑްކުރުމުގެ ޕްރޮޖެކްޓުގެ ދަށުން ސިއްހީ މަރުކަޒަށް އިތުރުކުރެވޭ ބައިގެ ތަނބުތައް ޖެހުމުގެ މަސައްކަތް ފަށައިފިއެވެ. 

އިންނަމާދޫ ހެލްތު ސެންޓަރު އަޕްގްރޭޑް ކުރުމުގެ މަސައްކަތް ސަރުކާރުން ހަވާލުކޮށްފައިވަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އާއެވެ. 

މި ޕްރޮޖެކްޓުގެ ފަހުގެ މައުލޫމާތު ހިއްސާކޮށް އެމްޓީސީސީއިން ބުނީ ބާރު ސްޕީޑެއްގައި މަސައްކަތް ކުރިއަށްދާކަމަށެވެ. މިގޮތުން މިހާރު ކުރިއަށްދަނީ ތަންބުތައް ޖެހުމުގެ މަސައްކަތް ކަމަށް އެކުންފުނިން ވަނީ ހާމަކޮށްފައެވެ. 

މި މަސައްކަތުގެ ދަށުން ފަސް އެނދުގެ އެކްސްޓެންޝަން އިމާރާތެއް އިތުރުކުރުމަށް އެމްޓީސީސީއާ ވަނީ ހަވާލުކޮށްފައެވެ. މި މަސައްކަތް އެމްޓީސީސީއާ ހަވާލުކޮށްފައިވަނީ 10.06 މިލިއަން ރުފިޔާއަށެވެ.