އެމްއޭސީއެލް އިން އިސްނަގައިގެން ކޮންމެ އަހަރަކުވެސް ބާއްވަމުން އަންނަ ލޭހަދިޔާ ކުރުމުގެ ޕްރޮގްރާމް ގައި ބައިވެރިވުމުގެ ފުރުސަތު ހުޅުވާލައިފިއެވެ.

އެކުންފުނިން ބުނިގޮތުގައި  31 ޖަނަވަރީ އަދި 1 ފެބްރުއަރީގައި ވެލާނާ އިންޓަނޭޝަނަލް އެއާޕޯޓުގެ އެއާޕޯޓް ރެކްރިއޭޝަން ސެންޓަރު (އޭއާރުސީ)ގައި ކުރިޔަށް ގެންދާ މި ޕްރޮގްރާމް ކުރިއަށް ގެންދަނީ މޯލްޑިވްސް ބްލަޑް ސާވިސް (އެމްބީއެސް)އާ ގުޅިގެންނެވެ.

މިއީ ކޮންމެ އަހަރަކުވެސް އެމްއޭސީއެލްގެ ސްޓާފުންނަށް ހުޅުވާލައިގެން ކުރިއަށް ގެންދާ ޕްރޮގްރާމެކެވެ. އެހެން ނަމަވެސް ⁠އެހެން އަހަރުތަކާ ހިލާފަށް މި އަހަރު ޕްރޮގްރާމް ކުރިއަށް ގެންދަނީ ވެލާނާ އިންޓަނޭޝަނަލް އެއާޕޯޓުގައި މަސައްކަތްކުރާ ދައުލަތުގެ އިދާރާތަކާއި މުއައްސަސާތަކާއި ކުންފުނިތަކުގެ އިތުރުން ރިސޯޓް މުވައްޒަފުންނަށްވެސް ހުޅުވާލައިގެން ކަމަށް އެމްއޭސީއެލްއިން ވަނީ ބުނެފައެވެ. 

އެމްއޭސީއެލުން އިތުރަށް ބުނީ ⁠އެގޮތަށް ބަދަލުކުރުމުގެ މަގުސަދަކީ ލޭ ލިބުން ދަތިވެ، އެމްބީއެސްއިން އާންމުންގެ އެހީތެރިކަމަށް އެދިފައިވާތީއާއި ކޮންމެ އަހަރެއްގެވެސް ރޯދަ މަހު ލޭ ލިބުން ދަތިވާތީ އެކަމަށް އެހީތެރިވުމުގެ ގޮތުންން ކަމަށެވެ. 

⁠މި ޕްރޮގްރާމްގައި ބައިވެރިވުމަށް https://tinyurl.com/46y3p7m7 ލިންކު މެދުވެރިކޮށް ބައިވެރިވެވޭ ގޮތަށް އެމްއޭސީއެލްއިން ވަނީ ހަމަޖައްސައިފައެވެ.