ސްކޫލް ކުދިންނަށް ބޮޑު ޗުއްޓީ ޑިސެމްބަރަށް ލިބޭގޮތަށް އެޑިއުކޭޝަން މިނިސްޓްރީން އަންނަ އަހަރުގެ އެކެޑެމިކް ކަލަންޑަރު ނެރެފިއެވެ.

އެ ކަލަންޑަރުގައިވާ ގޮތުން، 2025 ވަނަ އަހަރުގެ ދިރާސީ އަހަރު ފެށޭނީ 6  އޭޕްރީލްގައެވެ. ފުރަތަމަ ޓާމްގެ ކިޔެވުން އޮންނާނީ 6 އޭޕްރީލް އިން 24 ޖުލައި އަށެވެ. އަދި ފުރަތަމަ ޓާމްގެ އިމްތިހާނުތައް ތާވަލުކޮށްފައިވަނީ 5 ޖުލައި އިން 19 ޖުލައިގެ ނިޔަލަށެވެ.

ދެވަނަ ޓާމްގެ ކިޔެވުން ކުރިއަށް ގެންދިޔުމަށް ހަމަޖެހިފައިވަނީ 10 އޯގަސްޓް އިން 20 ޑިސެންބަރަށެވެ. ދެވަނަ ޓާމްގެ އިމްތިހާނުތައް ކުރިއަށް ދާނީ 6 ޑިސެންބަރުން ފެށިގެން 20 ޑިސެމްބަރަށެވެ. އެހެންކަމުން، 2025 ވަނަ އަހަރުގެ ބޮޑު ޗުއްޓީ ލިބޭނީ ޑިސެންބަރު މަހުގައެވެ.

މިއީ، ރައީސުލްޖުމްހުރިއްޔާ މުހައްމަދު މުއިއްޒުގެ ރިޔާސީ ވަޢުދުތަކުގެ ތެރެއިން ވަޢުދެކެވެ.

2026 ވަނަ އަހަރުގެ ކިޔެވުން ފެށިގެން، ދިރާސީ އައު އަހަރު ފެށޭނީ ޖެނުއަރީގައި ކަމަށް އެޑިއުކޭޝަން މިނިސްޓްރީއިން ވަނީ ވިދާޅުވެފައެވެ.

އެއް މަސް ދުވަހުގެ ޗުއްޓީއަކަށްފަހު 2026 ވަނަ އަހަރުގެ ކިޔެވުން ފެށިގެންދާނީ 27 ޖެނުއަރީގައެވެ.