ލ. ގަމު އިންޖީނު ގޭގައި މިއަދު މެންދުރު ފަހު ރޯވި އަލިފާން ނިއްވާލާފައިވާކަމަށާއި، ހާދިސާގައި އެއްވެސް މީހަކަށް އަނިޔާއެއް ނުވާކަމަށް ދިވެހި ފުލުހުންގެ ޚިދުމަތުން ބުނެފިއެވެ. 

ގަމު އިންޖީނު ގޭގައި އަލިފާން ރޯވުމާ ގުޅިގެން ދިވެހި ފުލުހުންގެ ޚިދުމަތުން އެންމެ ފުރަތަމަ އާއްމުކުރި މަޢުލޫމާތު ބުނީ، އެކަމުގެ މަޢުލޫމާތު އެ އިދާރާއަށް ލިބުމުން އަލިފާން ނިންވުމުގެ މަސައްކަތް މިހާރު ކުރިއަށްގެންދާ ކަމަށެވެ. 

ފުލުހުން ދެންމެ މީޑިއާތަކާ ޙިއްޞާކުރި މެސެޖުގައި ބުނީ އިންޖީނު ގޭގައި ރޯވި އަލިފާން މިހާރު ނިންވާލާފައިވާ ކަމަށެވެ. 

އިންޖީނު ގޭގައި ރޯވިކަމުގެ މަޢުލޫމާތު ލިބުނީ މިއަދު 14:50 ހާއިރު ކަމަށް އެ އިދާރާއިން ބުނެފައިވެއެވެ. އަލިފާން ނިއްވާލުމުގެ މަސައްކަތް ކުރީ ފުުލުހުންނާއި ސިފައިން އަދި އާއްމު ރައްޔިތުން ގުޅިގެން ކަމަށް އެ އިދާރާއިން މީޑިއާތަކާ ޙިއްޞާކުރި މެސެޖުގައި ބުނެފައިވެއެވެ. 

މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ބުނިގޮތުގައި އަލިފާން ރޯވުމާ ގުޅިގެން، އެމްއެންޑީއެފް ސެންޓްރަލް އޭރިއާ ކޮމާންޑް، ކައްދޫ ފަޔަރ ސްޓޭޝަނުން އަންނަނީ އެ ސަރަޙައްދުގައި ހަރަކާތްތެރިވަމުންނެވެ.