ބަޔާން މިއުނިކުގެ ފޯވާޑް، ހެރީ ކޭން އަށް ލިބިފައިވާ އަނިޔާއިން ރަނގަޅުވެ، ކުޅުމުގެ ތެރެއިން މި އަހަރު އަދި ފެނުމުގެ ފުރުޞަތު އެބައޮތް ކަމަށް އެ ޓީމުގެ ކޯޗު، ވިންސެންޓް ކޮމްޕެނީ ބުނެފިއެވެ.

ބަޔާންގެ ކޯޗު، ކޮމްޕެނީ މިހެން ބުނީ، ހޯމަ ދުވަހު ބޭއްވި ނޫސްވެރިންގެ ބައްދަލުވުމުގައެވެ.

ކޭން އަށް އަނިޔާވީ، ބޮރޫޝިއާ ޑޯޓްމުންޑްއާ ދެކޮޅަށް ހޮނިހިރު ދުވަހު ކުޅުނު މެޗުގައެވެ. އެ މެޗުގެ ފުރަތަމަ ހާފުގެ 33 ވަނަ މިނެޓުގައި ކޭންގެ ފައިގެ ފަލަމަސްގަނޑަށް ލިބުނު މި އަނިޔާގެ ސަބަބުން ވަނީ ބަދަލުކޮށްފައެވެ.

"މަދު މެޗުތަކެއް ގެއްލުނު ނަމަވެސް، ކޭން އަދި މި އަހަރު ފެނިދާނެ،" ކޮމްޕެނީ ބުންޏެވެ.

އެކަމަކު، ބަޔާނުން ޖަރުމަން ކަޕްގައި، އެންމެ ފަހުގެ ޗެމްޕިއަން، ބަޔާ ލެވަކޫސަންއާ ދެކޮޅަށް މިރޭ ނުކުޅެވުނު ނަމަވެސް، ވިންޓަރ ބްރޭކަށް މި މަހުގެ 22 ވަނަ ދުވަހު ލީގު މެދުކަނޑާލުމުގެ ކުރީން ދަނޑުމަތީން ކޭން ފެނުމުގެ އުއްމީދުގައި ހުރި ކަމަށް ވެސް ކޮމްޕެނީ ބުންޏެވެ.

މި ވަގުތު ރަނގަޅު ފޯމެއްގައި ހުރި ކޭން ވަނީ ހުރިހާ މުބާރާތެއްގައި ކުޅުނު 19 މެޗުގައި 20 ލަނޑު ޖަހައިފައެވެ. މީގެތެރެއިން، ލީގުގައި ވަނީ 12 މެޗުގައި 14 ލަނޑު ޖަހައިފައެވެ.

ކޮމްޕެނީގެ ވާހަކައިގައި ވަނީ، ކޭން ފަދަ ގޯލާ ރައްޓެހި މޮޅު ފޯވާޑެއް ނެތްތަން އެހެން ކުޅުންތެރިއަކަށް ފޫނުބެއްދޭނެ ކަމަށާއި، އެކަމަކު އޭނާގެ ޓީމުގައި އެ މަގާމަށް އެކަށޭނަ ކުޅުންތެރިން އެބަތިބި ކަމަށެވެ.

"އަހަރެމެންގެ ޓީމުގައި އެބަތިބި، ތޯމަސް މުލާ، މަތީސް ޓެލް، ގްނަބްރީ، އޮލީސޭ، ލެރޯއީ، މިއީ ގާތްގަނޑަކަށް ހުރިހާ ކުޅުންތެރިން،" ކޮމްޕެނީ ބުންޏެވެ.

ކޮމްޕެނީ ބުނީ، ކޭން ނެތްތަން ފޫބައްދަން އެހާ ގިނަ ލަނޑުތައް ޖަހައިދޭނެ ކުޅުންތެރިއަކު ނެތް ނަމަވެސް، އެ ޓީމުގައި ތިބި ހުނަރުވެރި ކުޅުންތެރިންގެ އެހީގައި އެކަން ހައްލުކުރަންޖެހޭނީ ތަފާތު ގޮތަކަށް ކަމަށެވެ.