ޓިކްޓޮކްގައި ބިއުޓީ ފިލްޓަރތައް ބޭނުންކުރުމުން ޅަފުރައިގެ ކުދިންނަށް ނަފްސާނީ ގޮތުން ތަފާތު މައްސަލަތަކާ ކުރިމަތިވާ ކަމަށް ދިރާސާކުރާ ފަރާތްތަކުން ހޯދައިފިއެވެ. 

އަޔަލެންޑް ގެ ޑަބްލިންގައި ހުންނަ ޓިކްޓޮކްގެ ޔޫރަފްގެ މައި އޮފީހުގައި ބޭއްވި ސަލާމަތާއި ރައްކާތެރިކަމާ ބެހޭ ފޯރަމުގައި ވަނީ ނަފްސާނީ ތަޖުރިބާކާރުންގެ ދިރާސާތަކުގެ މައްޗަށް ބިނާކޮށް ޒުވާނުންނަށް ބިއުޓީ ފިލްޓަ ބޭނުންކުރުން ކޮންޓްރޯލް ކުރުމަށް ބައިވެރިން އިއްތިފާގުވެފައެވެ. 

ޓިކްޓޮކްގެ ބިއުޓީ ފިލްޓަރުގެ ނުރައްކާ މިހާ ބޮޑުވެގެން އުޅެނީ ކީއްވެގެންތޯ ބައިވެރިންނާ ސުވާލުކުރެވުމުން ހުރިހާ ބައިވެރިންވެސް ބުނެފައިވަނީ އެއީ ވަރަށް ފަސޭހައިން ދެވިހިފާ އާދައެއް ކަމަށެވެ. އަދި ޒުވާން އުމުރުފުރު ފުރައިގެ ކުދިން ސޯޝަލް މީޑިއާ ޕްލެޓްފޯމްތަކުގައި ފިލްޓަރުތައް ބޭނުން ކޮށްގެން އެކުދިންގެ އަސްލު ސޫރަ ރީތިކުރުމަށްޓަކައި ބަދަލުތައް ގެނައުމަށް ފަހު އެރީތިކަން ހޯދުމަށް ވިސްނަން ފެށުމުން އެކުދިންގެ މެދުގައި އެންޒައިޓީގެ މައަސަލަތަށް ބޮޑުވެ އަމިއްލަ ނަފްސަށް އިޙްތިރާމް ކުޑަވުންފަދަ ނަފްސާނީ މައްސަލަތައް ގިނަވަމުންދާކަން ފާހަގަ ވެފައިވެއެވެ.  

ޓިކްޓޮކް ގައި ހުންނަ ފިލްޓަރުތައް ބޭނުންކޮށްގެން މޫނާއި ލޮލާއި ތުންފަތަށް ބަދަލު ގެންނަ މަސްނޫއީ ވަސީލަތްތައް ބޭނުންކުރުން މަނާކުރުމަށް ވަނީ ނިންމާފައެވެ.

އަންނަ އައުމާ ގުޅިގެން ބިލިޔެނެއްހައި މީހުން ބޭނުންކުރާ ޓިކްޓޮކް އިން މިހާރުދަނީ ބިއުޓީ ފިލްޓަރ ތައް ބޭނުންކުރުމުގައި ގިނަ ހުރަސްތަކެއް އަޅަމުންނެވެ.

 ޓިކްޓަކަށް އަންނަ ހަފްތާއިން ފެށިގެން ގެންނަ މި ރެސްޓްރިކްޝަންތައް ފިލްޓަރުތަކަށް އެޕްލައި ކުރާއިރު އޭގެ ތެރޭގައި މޭކަޕް ނުކުރެވޭ ގޮތަކަށް ފީޗާތައް ބަދަލުކުރާ "ބޯލްޑް ގްލެމާ" ހިމެނޭނެ އެވެ.