ރައްޔިތުންގެ މަޖިލީހުގެ މެންބަރަކު މަޖިލީހުގެ ތަޅުމުގައި ދައްކާފައިވާ ވާހަކައަކާ ގުޅިގެން މޯލްޑިވްސް ޖާނަލިސްޓްސް އެސޯސިއޭޝަނުން ހުށަހަޅާފައިވާ މައްސަލައެއް ތަހުޤީޤު ކުރުމާމެދު ޤާނޫނީ ލަފައަކަށް އެދި، ދިވެހި ފުލުހުންގެ ޚިދުމަތުން ޕްރޮސެކިއުޓަރ ޖެނެރަލްގެ އޮފީހަށް ހުށަހަޅައިފި އެވެ.

ދިވެހި ފުލުހުންގެ ޚިދުމަތުން ވަނީ އެކަން ޔަޤީންކޮށް ދީފަ އެވެ. ފުލުހުން ބުނީ ރައްޔިތުންގެ މަޖިލީހުގެ މެންބަރަކު މަޖިލީހުގެ ތަޅުމުގައި ދައްކާފައިވާ ވާހަކައަކާ ގުޅިގެން މޯލްޑިވްސް ޖާނަލިސްޓްސް އެސޯސިއޭޝަނުން ހުށަހަޅާފައިވާ މައްސަލައެއް ތަހުޤީޤު ކުރުމާމެދު ޤާނޫނީ ލަފައަކަށް އެދި، ދިވެހި ފުލުހުންގެ ޚިދުމަތުން ޕްރޮސެކިއުޓަރ ޖެނެރަލްގެ އޮފީހަށް ހުށައަޅާފައިވާ ކަމަށެވެ.

އެކަން ހުށައެޅީ އިއްޔެ ކަމަށް ވެސް ބުންޏެވެ. ނަމަވެސް އިތުރު ތަފްސީލެއް ނުދެ އެވެ.

ބެލެވެނީ އެއީ މަޖިލީހުގެ ޖަލްސާއެއްގައި އިނގުރައިދޫ ދާއިރާގެ އިބްރާހިމް ފަލާޙް ދެއްކެވި ވާހަކަ ކަަމަށެވެ. ފަލާޙްގެ އެ ވާހަކަތަކާ ގުޅޭ މައްސަލަ ބައްލަވާނެ ކަމަށް ރައީސުލްޖުމްހޫރިއްޔާ ވެސް ވަނީ ވިދާޅުވެފަ އެވެ. އަދި އެއްވެސް އަނިޔާވެރި ޢަމަލަކަށް ގޮވާނުލެވޭނެ ކަމަށް އެމަނިކުފާނު ވަނީ ވިދާޅުވެފަ އެވެ.

ވެރިކަމަށް ވަޑައިގެން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެންމެ އިސްކަމެއް ދެއްވެވީ މުޢައްސަސާތައް ހަރުދަނާ ކުރައްވާ މިނިވަން ކަމާއެކު ހިންގެވޭނެ މާހައުލު ތަނަވަސް ކޮށްދެއްވުމަށެވެ.

މިނިވަން މުޢައްސަސާތަކާއި ޖުޑީޝަރީ ފުރިހަމަ މިނިވަން ކަމާއެކު ހިންގޭނެ މަގު ފަހި ކުރެއްވުމަށެވެ. އެ ފުރުސަތު ދެއްވުމުގެ ނަތީޖާއެއްގެ ގޮތުން މުޢައްސަސާތައް ފުރިހަމަ މިނިވަންކަމާއި ބާރުވެރި ކަމުގައި ދަނީ ހިންގަމުންނެވެ.

މިއީ ފުލުހުންގެ ފަރާތުން ވެސް މި ފެނުނީ އެފަދަ މިސާލެކެވެ.