ފުވައްމުލަކުގައި ހިންގި އެކްސިޑެންޓެއްގައި 17 އަހަރުގެ ކުއްޖަކު ނިޔާވެއްޖެއެވެ.

މައުލުމާތު ލިބިފައިވާ ގޮތުގައި ނިޔާވެފައި ވަނީ އެކްސިޑެންޓް ހިނގި އިރު ސައިކަލު ދުއްވަން އިން 17 އަހަރުގެ ކުއްޖެކެވެ.

މި އެކްސިޑެންޓު ހިނގީ ފުވައްމުލަކު ފުނާޑު އަވަށުގެ ހުސްނުހީނާ މަގުގައި ރޭ ދަންވަރު 2:30 ހާއިރުއެވެ. މި އެކްސިޑެންޓު ހިނގީ ސައިކަލް ކަހާލައިގެން ގޮސް ތަނެއްގައި ޖެހިގެންކަމަށް ބެލެވޭ ކަމުގައި އެރަށުން މައުލޫމާތު ލިބެއެވެ.

އެނގިފައިވާ ގޮތުގައި ސައިކަލް ދުއްވަން އިން ކުއްޖާގެ ބޮލަށް ވަރަށް ބޮޑެތި ގެއްލުންތަކެއް ވަނީ ލިބިފައެވެ. އެ ކުއްޖާއަށް ފަރުވާ ދިނުމަށް ފުވައްމުލަކު ހޮސްޕިޓަލަށް ގެންދިޔައިރު ވެސް ހާލު ވަރަށް ސީރިއަސްއެވެ.