ސިންގަޕޫރަށް ކުރެއްވި ނުރަސްމީ ދަތުރުފުޅު ނިންމަވައިލެއްވުމަށްފަހު ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒާއި އެ މަނިކުފާނުގެ އަނބިކަނބަލުން ސާޖިދާ މުޙައްމަދު މިރޭ ރާއްޖެ ވަޑައިގެންފި އެވެ.

ރައީސްގެ ދެ ކަނބަލުން ސިންގަޕޫރަށް ފުރާވަޑައިގަތީ މިދިޔަ މަހުގެ 31 ވަނަ ދުވަހު އެވެ.

މިއީ ނުރަސްމީ ދަތުރުފުޅަކަށް ވުމުން ދަތުރުފުޅާއި ގުޅޭ އިތުރު މަޢުލޫމާތެެއް ރައީސުލްޖުމްހޫރިއްޔާގެ އޮފީހުން ހާމައެެއް ނުކުރައްވަ އެވެ.

ވެރިކަމަށް ވަޑައިގެން ރައީސް މުޢިއްޒު ގެންދަވަނީ ރަސްމީ ދަތުރުފުޅުތަކާއި މުޅި ދަތުރުފުޅުގެ ޚަރަދުތަކުގެ ތަފްސީލު ވެސް ހާމަ ކުރައްވަމުންނެވެ.