ވެރިކަންކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) ގެ އެކި މަގާމުތަކަށް މެންބަރުން ހޮވަން މިއަދު ބޭއްވި އިންތިޚާބު ކާމިޔާބު ކުރި ކެންޑިޑޭޓުންނަށް ރައީސުލް ޖުމްހޫރިއްޔާ ޑޮކްޓަރ މުހައްމަަދު މުއިއްޒު މަރުހަބާ ވިދާޅުވެއްޖެއެވެ. 

މުޅި ރާއްޖެއަށް ހުޅުވާލައިގެން ކުރިއަށް ގެންދިޔަ މި ވޯޓުލުން ނިމި ދާއިރާތަކުން އިންތިޚާބުވި ފަރާތްތައް ކޮންމެ ދާއިރާއަކުން ވަކިން ވަނީ އިޢުލާންކޮށްފަ އެވެ. 

އަމިއްލަ ދަތުރުފުޅެއްގައި އިނގިރޭސި ވިލާތުގައި ހުންނަވައި އެކްސްގައި ރައީސް ކުރެއްވި ޕޯސްޓެއްގައި ވަނީ ޕީއެންސީގެ އެތެރޭގެ އިންތިހާބު ކާމިޔާބު ކުރެއްވި ބޭފުޅުންނަށް މަރުހަބާ ވިދާޅުވެފައެވެ. މީގެ އިތުރުން އެކިއެކި މަގާމުތަކަށް ވާދަކުރެއްވި ކެންޑިޑޭޓުންނާއި އިންތިހާބު އިންތިޒާމު ކުރެއްވުމުގައި އުޅުއްވި ހުރިހާ ބޭފުޅުންނަށް ޝުކުރު އަދާކުރައްވާފައިވެ އެވެ. އަދި މިއަދު ވޯޓުލެއްވި މެންބަރުންނަށް ވެސް ރައީސް ވަނީ ޝުކުރު އަދާކުރައްވައިފައެވެ.