ލިއޮނެލް މެސީ ފަދަ މަޝްހޫރު ފުޓްބޯޅަ ތަރިން ގެނެސް އިންޓަރ މަޔާމީ ވަރުގަދަކުރުމަށް ކޯޗުގެ މަޤާމު ހަވާލުކުރި ޖެރާޑޯ (ޓާޓާ) މަޓިނޯ އެ މަގާމުން އިސްތިއުފާ ދީފިއެވެ.

މަޝްހޫރު ޑޭވިޑް ބެކްހަމްގެ މި ކްލަބުން ނިންމީ މިދިޔަ އަހަރު މެސީ އެކްލަބަށް ގެނެސް ރަނގަޅު ތަޖުރިބާކާރު ކޯޗެއް އަޔަނq ކުރުމަށެވެ. އެގޮތުން އެ މަޤާމަށް އެންމެ ކުފޫ ހަމަވަނީ މަޝްހޫރު ތަރިންނަށް ކޯޗުކަން ކޮށްދިން މާޓީނޯ ކަމަށް ބަލައި އެ މަޤާމު މާޓީނޯއާ ހަވާލުކުރިއެވެ. މާޓީނޯއަކީ މެސީއަށް ބާސެލޯނާގައި ކޯޗުކަން ކޮށްދީފައިވާ ކުޅަދާނަ ކޯޗެކެވެ.

ފަހުން ބާސެލޯނާގައި އޭނާ ކޯޗުކަން ކޮށްދިން ކުޅުންތެރިން ކަމަށްވާ ޖޯޑީ އަލްބާ އާއި ސާޖިއޯ ބުސްކެޓްސް އަދި ލުއިސް ސުއަރޭޒް ވެސް ވަނީ މިއާމީއަށް ގެނެސްފައެވެ.

މަޝްހޫރު ކުޅުންތެރިން ގެނައި ނަމަވެސް މާޓީނޯއަކަށް ނަތީޖާ މަޝްހޫރެއް ނުކުރެވުނެވެ. ޓީމުން އިސްތިއުފާ ދެނީ އެކަމާ ގުޅިގެން ނޫން ކަމަށާއި އެއީ އަމިއްލަ ދިރިއުޅުމުގެ ކަންކަމާ ގުޅިގެން ކަމަށް މާޓީނޯ ބުންޏެވެ. 

އަންނަ އަހަރުގެ ފެބްރުއަރީ އާ ހަމައަށް އިންޓަރ މަޔާމީގެ އެއްވެސް މެޗެއް ނެތުން އެއީ އެ ކްލަބަށް ރަނގަޅެކެވެ. އެއީ ރަނގަޅު ކޯޗެއް ކުރު މުއްދަތެއްގެ ތެރޭގައި ހޯދަން އުނދަގުވާނެ ތީއެވެ. އަންނަ އަހަރު ބާއްވާ ކްލަބް ވޯލްޑް ކަޕްގައި ވާދަކުރުމުގެ ދައުވަތު ފީފާއިން ވަނީ އެ ޓީމަށް ދީފަ އެވެ.