މާލޭގެ މަންޗަންގޮޅީގައި ހުންނަ ގެއެއްގެ ދެވަނަ ފަންގިފިލާއިން އަންހެނަކު ވެއްޓި، ފަރުވާދޭން ފަށައިފިއެވެ. 

ދިވެހި ފުލުހުންގެ ޚިދުމަތުން ބުނީ ވެއްޓުނީ އުމުރުން 42 އަހަރުގެ އަންހެނެއް ކަމަށެވެ. އެ މައްސަލަ ރިޕޯޓްކުރީ ރޭ ފަތިހު ގާތްގަނޑަކަށް 4 ޖަހާކަށްހާއިރު ކަމަށް ފުލުހުން ބުނެފައިވެއެވެ. 

ހާދިސާއާ ގުޅިގެން ފުލުހުން އިތުރަށް ބުނީ، އަނިޔާވި އަންހެން މީހާގެ ދެ ފައިގެ ކުޑަހުޅު ނެއްޓި ރެނދުލާފައިވާ ކަމަށެވެ. މިވަގުތު އަންހެން މީހާއަށް އައިޖީއެމް ހޮސްޕިޓަލުގައި އަންނަނީ ފަރުވާދެމުންނެވެ. 

ފުލުހުން ގެންދަނީ މި މައްސަލަ ތަޙްޤީގުކުރަމުންނެވެ.