ރައްޔިތުންގެ ތަނަވަސްކަމަށް އިސްކަންދޭ ސަރުކާރެއްގެ ގޮތުގައި ކުރިއަށްދާނެކަމަށް ރައީސް މުޙައްމަދު މުޢިއްޒު ވިދާޅުވެއްޖެއެވެ.

މިއަދު އެމަނިކުފާނުގެ އެކްސް އެކައުންޓުގައި ކުރެއްވި ޕޯސްޓެއްގައި ވިދާޅުވީ، ކުރިއަށް އޮތް ތަނުގައި ތަނަވަސްކަން ނެތް ރައްޔިތުންނަށް ފައިދާއެއް ވާން ނޭދޭ ސިޔާސީ ވެރިން ރައްޔިތުންނަށް އިތުރަށް ފާހަގަކުރެވޭނެ ކަމަށެވެ.

ރައްޔިތުންގެ ތަނަވަސްކަމަށް އިސްކަންދިނުމަކީ މި ސަރުކާރުގެ އަމާޒެއްކަމާއި، އަދި ހުރިހާ ރައްޔިތުންނަށް އެއްހަމައެއްގައި އިންސާފުވެރިކަމާއެކު ޚިދުމަތް ފޯރުކޮށްދިނުމަށް ސަރުކާރުން މަސައްކަތްކުރާނެ ކަމުގެ ޔަގީންކަން ރައީސް ވަނީ ދެއްވާފައެވެ. އަދި މީގެ އިތުރުން، ރައްޔިތުންގެ ތަނަވަސްކަމަށް އަހަންމިއްޔަތުކަން ނުދޭ ސިޔާސީ ފަރާތްތަކުގެ ޢަމަލުތައް ރައްޔިތުންނަށް އިތުރަށް ހާމަވެގެންދާނެކަމަށް ރައީސް މުޢިއްޒު ވިދާޅުވެފައިވެއެވެ.