ENGLISH

31 އޯގަސްޓު 2025

Advertisement

އެފްޓީއޭގެ ދަށުން ރީއެކްސްޕޯޓް ކުރެވޭނެ މުދާ ދެނެގަނެ އެކްސްޕޯޓު ކުރާ މުދާ އިތުރުކުރެވޭނެ ގޮތް ހޯދަނީ

22 އޭޕްރީލު 2025

|

އަހުމަދު ސައީދު

ޗައިނާ-ރާއްޖެ މިނިވަން ވިޔަފާރީގެ އެއްބަސްވުމަށް އަމަލުކުރަން ފެށުމަށް ބޭއްވި ރަސްމިއްޔާތު-- ފައިލް ފޮޓޯ/ އިކޮނޮމިކް މިނިސްޓްރީ

ޗައިނާ-ރާއްޖެ މިނިވަން ވިޔަފާރީގެ އެއްބަސްވުމުގެ މަންފާ އިތުރުކުރުމަށް ރާއްޖެއިން ރީއެކްސްޕޯޓް ކުރެވޭނެ މުދާ ދެނެގަނެ، އެކްސްޕޯޓް އިތުރުކުރުމަށް ވިޔަފާރިތަކަށް އެހީ ދިނުމަށް މަސައްކަތަ ކުރައްވަމުން އަންނަކަމަށް މިނިސްޓަރ އޮފް އިކޮނިމިކް ޑިޕެލޮޕްމަންޓް އެންޑް ޓްރޭޑް މުޙައްމަދު ސަޢީދު ވިދާޅުވެއްޖެ އެވެ.

ރައީސް އޮފީހުގައި އިއްޔެ އޮތް ނޫސްވެރިންގެ ބައްދަލުވުމުގައި ސަޢީދު ވިދާޅުވީ މި އަހަރުގެ ޖެނުއަރީ ފުރަތަމަ ދުވަހު އަމަލުކުރަން ފެށި މިނިވަން ވިޔަފާރީގެ އެއްބަސްވުމުގެ މަންފާ އިތުރުކުރުމަށް ކުރެވިދާނެ ކަންކަމާއެކު ބެހޭގޮތުން ޗައިނާގެ ކޮމާސް މިނިސްޓްރީއާ މަޝްވަރާކޮށް، ޗައިނާގެ ފަންނީ ބޭފުޅުންގެ ޓީމެއް ދާދިފަހުން ރާއްޖެ އައިސްފައިވާކަމަށެވެ. 

ރާއްޖެއިން ރީއެކްސްޕޯޓު ކުރެވޭނެ ބާވަތްތަކަކީ ކޮބައިކަމާއި އަދި ރާއްޖޭގައި އެކްޕޯޓްކުރުމަށް އުފެއްދިދާނެ ބާވަތްތަކާ ބެހޭ މައުލޫމާތު ފަންނީ ޓީމުން ހޯދާފައިވާކަމަށް މިނިސްޓަރ ސަޢީދު ވިދާޅުވިއެވެ. އަދި އެ ޓީމުން ދިވެހިން އުފައްދާ ބާވަތްތައް ދެނެގަތުމަށްޓަކައި އެކިއެކި މަސައްކަތްކުރާ ފަރާތްތަކަށް ޒިޔާރަތްކޮށް މައުލޫމާތު އެއްކޮށްފައިވާ ކަމަށް ވެސް މިނިސްޓަރ ވިދާޅުވިއެވެ. 

"އެ ބޭފުޅުން އެނބުރި ވަޑައިގެން ފޮނުވާނެ ރިކޮމަންޑޭޝަންތަކެއް. މިވެވިއެވެނި އިގްތިސާދީ ކަންތައްތަކެއް ކުރަން ތިމަންނަމެން ލަފާދެމޭ. އެކްސްޕޯޓު އިތުރުކުރުމަށްޓަކައި. އެކަންކަން ކުރުމަށް ބޭނުންވާ ފައިސާ ވެސް އަޅުގަނޑުމެން ހޯދާނަން. އެ ފައިސާ ވިޔަފާރިތަކަށް ފޯރުކޮށްދީގެން އެ މަސައްކަތްކުރާނީ،" މިނިސްޓަރު ވިދާޅުވި އެވެ.

މިނިސްޓަރ ސަޢީދު ވިދާޅުވީ ޗައިނާ- ރާއްޖެ މިނިވަން ވިޔަފާރީގެ އެއްބަސްވުން، ވިޔަފާރިވެރިން ވަރަށް ބޮޑަށް ބަލައިގަންނަ ކަމަށެވެ. އަދި މިހާރު އެމެރިކާ އާއި ޗައިނާ އާ ދެމެދު ހިނގަމުންދާ ވިޔަފާރީގެ ހަނގުރާމާގައި ވެސް، މިނިވަން ވިޔަފާރީގެ އެއްބަސްވުމުގެ ސަބަބުން ރާއްޖެއަށް މަންފާކޮށްފާނެ ކަންތައްތަކެއް ހުރެދާނެކަމަށް މިނިސްޓަރ ވިދާޅުވި އެވެ. 

ކިޔުންތެރިންގެ ހިޔާލު