ބައިނަލްއަޤްވާމީ 44 އެއާލައިނަކުން ރާއްޖެއަށް ދަތުރުތައް ކުރާ ކަމަށް ފަތުރުވެރިކަމާ ބެހޭ ވުޒާރާގެ ތަފާސް ހިސާބުތައް ދައްކައިފިއެވެ.

 ރާއްޖެއަކީ ބައިނަލްއަޤްވާމީ އެއާލައިންތަކުގެ މެދުގައި ވަރަށް މަޝްހޫރު މަންޒިލެކެވެ.

ރާއްޖެއަށް ދަތުރުކުރާ އެއާލައިންތަކުގެ ތެރޭގައި ޔޫރަޕާއި، މެދުއިރުމައްޗާއި އޭޝިއާ ސަރަޙައްދުގެ އެއާލައިންތައް ހިމެނެއެވެ. މިހާރު ވެސް ގިނަ އެއާލައިނުތަކުން ދަނީ ރާއްޖެއަށް ދަތުރުކުރުމަށް ޝައުޤުވެރިކަން ފާޅުކުރަމުންނެވެ.

ޓޫރިޒަމް އަޕްޑޭޓް ރިޕޯޓުން ހާމަވާ ގޮތުގައި މި މަހުގެ ދެވަނަ ދުވަހުގެ ނިޔަލަށް ރާއްޖެއަށް 647،677 ފަތުރުވެރިން ޒިޔާރަތްކޮށްފައިވެއެވެ.

މިއީ މިދިޔަ އަހަރުގެ މިހާތަނާއި އަޅާ ބަލާއިރު 5.2 އިންސައްތަ އިތުރުވުމެކެވެ.

އަހަރުގެ މިހާތަނަށް ރާއްޖެ އައި ފަތުރުވެރިން ޗުއްޓީ ހޭދަކޮށްފައިވާ ތަންތަން:

• ރިސޯޓް: %69.4 (449،382 މީހުން)

• ގެސްޓްހައުސް: %25.2 (162،928 މީހުން)

• ހޮޓެލް: %2.9 (18،879 މީހުން)

• ސަފާރީ: %2.5 (16،041 މީހުން)

ރާއްޖޭގައި ފަތުރުވެރިންނަށް ޙިދުމަތް ދިނުމަށް 1201 ތަނެއް ހުރެއެވެ.  މި އަހަރު އެންމެ ގިނައިން ރާއްޖެ އައިސްފައިވަނީ ޗައިނާއިންނެވެ. އެއީ ފަތުރުވެރިންގެ 11.6 އިންސައްތައެވެ. އެއްވަނައިގައި ޗައިނާ އޮތްއިރު ދެވަނާގައި އޮތީ ރަޝިޔާއެވެ. އެއީ ފަތުރުވެރިންގެ 10.6 އިންސައްތައެވެ.