ENGLISH
06 އޭޕްރީލު 2025
ލަކްނޯ އަތުން މުމްބާއީ ބަލިވެއްޖެ
05 އޭޕްރީލު 2025
|
ލަކްނޯއާ މުމްބާއީ ބައްދަލުކުރި މެޗުގެ ތެރެއިން. --ފޮޓޯ: އޭއެފްޕީ / ގެޓީ އިމޭޖަސް
އެންމެ މަޤްބޫލު
މިހާރު ކުރިއަށްދާ އިންޑިއަން ޕްރިމިއަރ ލީގު (އައިޕީއެލް) ގައި ރޭ ކުޅުނު މެޗުގައި ލަކްނޯ ސުޕަޖަޔަންޓްސް އަތުން މުމްބާއީ އިންޑިއަންސް ބަލިވެއްޖެއެވެ.
މި މެޗުން މުމްބާއީ ބަލިވީ 12 ލަނޑުންނެވެ.
މިއީ މި ފަހަރުގެ މުބާރާތުގައި މުމްބާއީ ކުޅުނު ހަތަރު މެޗުގެ ތެރެއިން ބަލިވި ތިންވަނަ ފަހަރެވެ.
ރޭގެ މެޗުގެ ޓޮސް ދިމާވުމުން މުމްބާއީ އިން ގަސްދުކުރީ ހޮވަން އަރާށެވެ. ލަކްނޯ އިން ކުޅެން އަރައި، 20 އޯވަރުގެ ތެރޭގައި އަށް ވިކެޓަށް 203 ލަނޑު ހެދިއެވެ.
ލަކްނޯ އިން އެންމެ ރަނގަޅަށް ކުޅުނީ އޯޕަނިންގ ބެޓްސްމަން، މިޗޭލް މާޝް އެވެ. އޭނާ ވަނީ 31 ބޯޅައިން 60 ލަނޑު ހަދައިފައެވެ. ދެން އެންމެ ރަނގަޅަށް ކުޅުނީ 38 ބޯޅައިން 53 ލަނޑުހެދި އެއިޑެން މާކްރަމް އެވެ. މި އިނިންގްސްގައި މުމްބާއީގެ ކެޕްޓަން، ހާޑީކް ޕަންޑްޔާ ފަސް ވިކެޓްނެގިއެވެ.
ރައްދުގައި ކުޅެން އަރައި، މުމްބާއީ އަށް 20 އޯވަރުގެ ތެރޭގައި ފަސް ކުޅުންތެރިން ނުބައިވެގެން ހެދުނީ 191 ލަނޑެވެ. އެންމެ ރަނގަޅަށް ކުޅުނީ 43 ބޯޅައިން 67 ލަނޑު ހެދި ސޫރްޔަކުމާރް ޔާދަވް އެވެ. ލަކްނޯ އިން އެންމެ ރަނގަޅަށް އުކީ ހަތަރު އޯވަރަށް 21 ލަނޑާއެކު، އެއް ވިކެޓްނެގި ދިގްވޭޝް ރާތީ އެވެ. މެޗުގެ މޮޅު ކުޅުންތެރިއަކަށް ހޮވުނީ ވެސް އޭނާ އެވެ.
މި މުބާރާތުގައި މިއަދު ދެ މެޗެއް ކުޅޭނެ އެވެ. ފުރަތަމަ މެޗުގައި ޗެންނާއީ ސުޕަ ކިންގްސް ނިކުންނާނީ ދިއްލީ ކެޕިޓަލްސްއާ ދެކޮޅަށެވެ. ފަހު މެޗުގައި ރާޖަސްތާން ރޯޔަލްސް ބައްދަލުކުރާނީ ޕަންޖާބް ކިންގްސްއާ އެވެ.