ރާއްޖޭގެ ރައްޔިތުންނަށް ދިމާވެފައިވާ ބޯހިޔާވަހިކަމުގެ މައްސަލަ އަށް ހައްލެއް ހޯދުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ކުރައްވާ މަސައްކަތްޕުޅުގެ ދަށުން ސޯޝަލް ހައުސިން މަޝްރޫޢެއް ތަޢާރަފުކުރުމަށް ސަރުކާރުން ނިންމާފައިވާކަން އެޗްޑީސީން ރޭ އިއުލާންކޮށްފި އެވެ.

މި މަޝްރޫޢުތަކަކީ ހަމައެކަނި ގޭދޮރުވެރިކަން ފޯރުކޮށްދިނުމަށް އަމާޒުކޮށްފައިވާ މަޝްރޫޢުތަކެއް ނޫން ކަމަށާއި، އިޤްތިޞާދީ ކުރިއެރުން ހޯދުމަށް ވެސް މަގުފަހިކޮށްދޭނެ މަޝްރޫޢުތަކެއް ކަމަށް އެޗްޑީސީން ބުނެއެވެ.

މި މަޝްރޫޢުތަކުގައި ވިޔަފާރިތަކަށް ޚާއްޞަކުރެވިފައިވާ ސަރަޙައްދުތައް ހިމެނޭނެ ކަމަށާއި، މީގެ ސަބަބުން އިޤްތިޞާދީ ޙަރަކާތްތައް އިތުރުވެ، ރައްޔިތުންނަށް ބޭނުންވާ އަސާސީ ޚިދުމަތްތައް ލިބުމަށް ފަސޭހަވެގެންދާނެ ކަމަށް އެޗްޑީސީއިން ވަނީ ބުނެފައެވެ. އަދި މިކަމުގެ ސަބަބުން ރައްޔިތުން ދުރު ސަރަޙައްދުތަކަށް ދަތުރުކުރަން ޖެހޭ މިންވަރު މަދުވެގެންދާނެ ކަމަށް ވެސް ބުނެފައިވެއެވެ.