ދިވެހިންގެ ޘަޤާފަތާއި އިޖްތިމާޢީ އަގުތަކާ ގުޅޭގޮތަށް ފަރުމާކޮށްފައިވާ ރަށެއް ތަރައްގީ ކުރުމަށް ސަރުކާރުން ނިންމައިފި އެވެ.

ޕިކްނިކް އައިލެންޑެއްގެ ގޮތުގައި މިހާރު ވެސް ބޭނުންކުރާ މާލެއިން 15 މިނިޓުން ދެވޭ ދުރުމިނުގައި އޮންނަ މި ރަށް ތަރައްގީ ކުރުނީ "ކިނާރިޔާ" ގެ ނަމުގަ އެވެ. 

ކިނާރިޔާގެ މަޝްރޫޢުގައި ހިމެނެނީ ތަފާތު 4 ރަށެވެ. އެއީ:

1. އިންޓެގްރޭޓެޑް ޓޫރިޒަމް އައިލެންޑް: މި ރަށުގައި ހުންނާނީ ޕްރައިވެޓް ގެސްޓްހައުސްތަކާއި، ވެލްނަސް އަދި ސްޕާ ތަޖުރިބާތަކެވެ. މީގެ އިތުރުން ފްލޯޓިން ރެސްޓޯރަންޓްތަކާއި ކެފޭތައް ހުންނާނެއެވެ. އަދި ވޯޓަރ ސްޕޯޓްސްގެ ޚިދުމަތްތައް ވެސް ލިބެން ހުންނާނެއެވެ.

2. އެންޓަރޓެއިންމަންޓް އައިލެންޑް: މި ރަށަކީ ދިވެހި ރާއްޖޭގައި މުޅިން އާ ވައްތަރެއްގެ މުނިފޫހިފިލުވުމުގެ ވަސީލަތްތައް ތަޢާރަފުކުރާ ރަށެކެވެ. މީގެ ތެރޭގައި ވޯޓަރސްލައިޑްތަކާއި، ބީޗްސައިޑް ސިނަމާތަކާއި، ޕެއިންޓްބޯލް އެރީނާތަކާއި، ރޮކް ކްލައިމްބިން ފަދަ ކަންކަން ހިމެނެއެވެ.

3. ކޭމްޕިން އައިލެންޑް: މިއީ ދިވެހި ރާއްޖޭގައި ފުރަތަމަ ފަހަރަށް ތަޢާރަފުކުރާ ކޭމްޕިން އައިލެންޑެކެވެ. މި ރަށުގައި ކޭމްޕިން، ބޮންފަޔަރ، ޓްރެއިލްތައް އަދި ތަޢުލީމީ ޕްރޮގްރާމްތައް ހިންގުމަށް ވަނީ ރޭވިފައެވެ.