ENGLISH
03 އޭޕްރީލު 2025
މެސީގެ ބޮޑީގާޑަށް ޓަޗްލައިންއާ ހިސާބަށް ދިއުން މަނާކޮށްފި
01 އޭޕްރީލު 2025
|
މީގެކުރީން އިންޓަރ މިއާމީ ކުޅުނު މެޗެއްގައި މެސީގެ ބޮޑީގާޑް ހަރަކާތްތެރިވަނީ. --ފޮޓޯ: ރޮއިޓާސް
އެންމެ މަޤްބޫލު
އިންޓަރ މިއާމީ ކުޅޭ މެޗުތަކުގައި އެ ޓީމުގެ ކެޕްޓަން، ލިއޮނަލް މެސީގެ ބޮޑީގާޑު، ޔަސީން ޗެއުކޯ އަށް ޓަޗްލައިންއާ ހިސާބަށް ދިއުން މަނާކޮށްފިއެވެ.
ކުރިން އެމެރިކާގެ ނޭވީގައި މަސައްކަތްކޮށްފައިވާ ޗެއުކޯ، އެންމެ ބޮޑަށް މީހުންގެ ލޮލުގައި އަޅައިގަތީ، މެޗު ކުޅެމުންދާ ވަގުތުތަކުގައި މެސީގެ ގާތަށް، ދަނޑަށް އަރަން މަސައްކަތްކުރާ މީހުން ހުއްޓުވުމަށްޓަކައި ކުރަމުންދާ މަސައްކަތްތައް ފެންނަ ގޮތަށް ސޯޝަލް މީޑިއާގައި ދައުރުވި ވީޑިއޯތަކާ ގުޅިގެންނެވެ.
އޭނާ އަބަދުވެސް، މެސީގެ ކޮންމެ ހަރަކާތަކަށް ބަލަހައްޓައިގެން ހިނގަމުން ކުރިއަށް އަދި ފަހަތަށް ވެސް ދެއެވެ. މެޗު ނިމޭ ވަގުތުގައިވެސް މެސީގެ ފަހަތުގައި ޗެއުކޯ ހުރެއެވެ.
އެހެންނަމަވެސް، މިހާރު އެމެރިކާގެ މޭޖާ ލީގު ސޮކާ (އެމްއެލްއެސް) އިން ނިންމާފައިވަނީ، މެޗުތަކުގެ ސެކިއުރިޓީ ބެލެހެއްޓުމުގެ މަސައްކަތުގެ ފުރިހަމަ ކޮންޓްރޯލް ނެގުމަށެވެ. މިއާއެކު، މެސީގެ ބޮޑީގާޑް، ޗެއުކޯ އަށް ހަމައެކަނި ހަރަކާތްތެރިވެވޭނީ ލޮކަރ ރޫމާއި މިކްސްޑް ޒޯންތަކުގައި އެކަންޏެވެ.
"އަހަރެންނަށް މިހާރު ދަނޑުގައި ހަރަކާތްތެރިވެ އުޅުމުގެ ހުއްދައެއް ނެތް،" ސްޕެއިނުގެ މީޑިއާ އަކަށް ޗެއުކޯ ދިން އިންޓަވިއުއެއްގައި ބުނެފައިވެއެވެ.
އޭނާ ބުނީ، ޔޫރަޕްގައި މިދިޔަ ހަތް އަހަރު ހޭދަކުރިއިރު، ފްރެންޗް ލީގާއި ޗެމްޕިއަންސް ލީގު ހިމެނޭ ގޮތަށް ހަ މީހަކު ދަނޑަށް ވަދެގެންފައިވާ ކަމަށެވެ.
އެކަމަކު، އެމެރިކާގައި މިވީ ވިއްސަކަށް މަސްދުވަހުގެ ތެރޭގައި އެކަނިވެސް މިހާތަނަށް 16 މީހުން ދަނޑުގެ ޕިޗަށް ވަދެގަނެފައިވާ ކަމަށާއި، މިއީ ވަރަށް ބޮޑު މައްސަލައެއް ކަމަށާއި އެކަމުގައި މެސީ އަށް އެހީތެރިވެދިނުމަށް އޭނާ އަށް އެ ފުރުޞަތު ދިނުމަށް އެދޭ ކަމަށް ޗެއުކޯ ބުންޏެވެ.