ކްރިކެޓް ބޯޑް އޮފް މޯލްޑިވްސް (ސީބީއެމް) އިން ބާއްވާ މައިލޯ ރަމަޟާން ކްރިކެޓް ކާނިވަލްގެ ފަހު މުބާރާތް ކަމަށްވާ، ކޮމްޕެނީ ޓޭޕްބޯލް މުބާރާތުގެ ޗެމްޕިއަންކަން ހިރާސާ ކެމިސްޓް ހޯދައިފިއެވެ.

މިއަދު ހަވީރު ކުޅުނު މެޗުން ހިރާސާ ކެމިސްޓުން ވަނީ ފަސް ވިކެޓުން ފަތަހަ މޯލް ބަލިކޮށްފައެވެ.

ކުޅިވަރު އެކުވެނި ކްރިކެޓް ގްރައުންޑްގައި ކުޅުނު މެޗުގެ ޓޮސް ދިމާވުމުން ހިރާސާ ކެމިސްޓުން ގަސްދުކުރީ ހޮވަން އަރާށެވެ.

ފަތަހަ މޯލް އިން ކުޅެން އަރައި، 8 އޯވަރުގެ ތެރޭގައި ހަތް ވިކެޓަށް 75 ލަނޑު ހެދިއެވެ. އެ ޓީމުން އެންމެ ރަނގަޅަށް ކުޅުނީ 8 ބޯޅައިން 29 ލަނޑު ހެދި ރާކިބް އެވެ. މި އިނިންގްސްގައި ހިރާސާ ކެމިސްޓްގެ ދިނޭޝް އާއި ސިމިއޯން ކުރެން ކޮންމެ ކުޅުންތެރިއަކު ދެ ވިކެޓް ނެގިއެވެ.

ރައްދުގައި ކުޅެން އަރައި، 5.1 އޯވަރުގެ ތެރޭގައި ހިރާސާ ކެމިސްޓުން މޮޅުވެގެން ފޭބީ ދެ ވިކެޓަށް 83 ލަނޑު ހަދައިގެންނެވެ. އެންމެ ރަނގަޅަށް ކުޅުނީ 8 ބޯޅައިން 36 ލަނޑު ހެދި ޕްރިންސް އެވެ. މެޗުގެ މޮޅު ކުޅުންތެރިއަކަށް ހޮވުނީ ވެސް އޭނާ އެވެ.