ENGLISH
03 އޭޕްރީލު 2025
އެކި އިސްލާމީ ޤައުމުތަކުގައި ފިޠުރު ޢީދު ފާހަގަކުރާ ދުވަސް ތަފާތު؛ އެންމެ ބޮޑަށް ތަފާތީ މަޣުރިބު
30 މާރިޗު 2025
|
ސަޢުދީގައި ބަޔަކު ހަނދު ފެނޭތޯ ބަލަނީ، ފޮޓޯ: އައްރަޞްދު
އެންމެ މަޤްބޫލު
މިފަހަރުގެ ފިޠުރު ޢީދަކީ ފަހުގެ ތާރީޚެއްގައި އިސްލާމީ ޤައުމުތަކުގެ މެދުގައި އެންމެ ހިޔާލު ތަފާތުވުން ބޮޑު ޢީދަށްވާނެއެވެ. ވަރަށް ގިނަ ޤައުމުތަކުގައި މިއަދު ޢީދު ފާހަގަކުރާއިރު، ބައެއް ޤައުމުތަކަށް ޢީދުވާނީ މާދަމާއެވެ. އެންމެ ތަފާތުކޮށް ޢީދު ކަނޑައަޅާ ޤައުމެއްގެ ގޮތުގައި މިފަހަރު ފާހަގަކުރެވެނީ މަޣުރިބެވެ. އެ ޤައުމުގައި ޢީދު ދުވަސް ކަނޑައަޅާނީ މިއަދު އިރުއޮއްސުމަށްފަހުއެވެ. ފަހަރުގައި ހޯމަދުވަސް ނުވަތަ އަންގާރަ ދުވަހަކީ މަޣުރިބަށް ޢީދަށް ވެދާނެއެވެ.
މިއަދު ޢީދު ފާހަގަކުރާ ޤައުމުތަކުގެ ތެރޭގައި ދިވެހިރާއްޖެއާއި ސަޢުދީ ޢަރަބިއްޔާއާއި ކުވައިތާއި ޔަމަނާއި ފަލަސްޠީނާއި، ސޫދާނާއި، ލުބުނާނު ފަދަ ޤައުމުތަކެވެ. އަދި މާދަން ޢީދު ފާހަގަކުރާ ޤައުމުތަކުގެ ތެރޭގައި މިޞްރާއި ސޫރިޔާއާއި އުރުދުނާއި، ޢިރާޤާއި، ޢޮމާނާއި، ތޫނިސްއާއި ލީބިޔާއާއި ޖަޒާއިރު އަދި އިންޑޮނޭޝިޔާއާއި މެލޭޝިޔާ ހިމެނެއެވެ.
ހަނދު ފެނުމާމެދު ޢަރަބި ޤައުމުތަކުގެ ފަލަކީ ޢިލްމުވެރިންގެ މެދުގައި ދެބަސްވުންތަކެއްވެސް އުފެދުނެވެ. އެގޮތުން ސަޢުދީ ޢަރަބިއްޔާގެ ބައެއް ފަލަކީ ޢިލްމުވެރިން ހޮނިހިރުދުވަހު އެ ޤައުމަށް ހަނދު ފެންނާނެކަމަށް ވިދާޅުވެފައިވަނިކޮށް އެކުވެރި ޢަރަބި އިމާރާތުގައި ހުންނަ ބައިނަލްއަޤުވާމީ ފަލަކީ މަރުކަޒުން ބުނެފައިވަނީ ޢަރަބި ޖަޒީރާގެ އެއްވެސް ސަރަހައްދަކަށް ހޮނިހިރުދުވަހު ހަނދު ނުފެންނާނެ ކަމަށެވެ.
އެ ސެންޓަރުން ބުނެފައިވަނީ ޓެލެސްކޯޕު ނުވަތަ އެންމެ ޒަަމާނީ ފެންނިއްޔާތު ބޭނުންކޮށްގެންވެސް ޚަލީޖުގެ އެއްވެސް ޤައުމަކަށް ހަނދު ނުފެންނާނެ ކަމަށެވެ. އިނގިރޭސިވިލާތުގެ އިސްލާމީ ފަލަކީ އިލްމުވެރިންވެސް ވިދާޅުވެފައިވަނީ ސަޢުދީއަށް އަދި ޚަލީޖުގެ ޤައުމުތަކަށް އިއްޔެ ހަނދު ނުފެންނާނެ ކަމަށެވެ.
ނަމަވެސް ޚަލީޖުގެ ޤައުމުތަކުގެ ތެރެއިން ޢޮމާން ފިޔަވައި ހުރިހާ ޤައުމަކުން ނިންމާފައިވަނީ މިއަދަކީ ފިޠުރު ޢީދު ދުވަސް ކަމަށެވެ.
ޢަރަބި އެހެނިހެން ހުރިހާ ދައުލަތަކާ ޚިލާފަށް މަޣުރިބަށް ރޯދަ މަސް ފެށުނީ މާޗު މަހުގެ ދެވަނަ ދުވަހުއެވެ. އެ ޤައުމުން ހަނދު ބަލާނީ އޭޕްރީލް އެއްވަނައަށްވާ އާދީއްތަ ދުވަހުގެ ހަވީރާއި އިރުއޮއްސުމަށްފަހުއެވެ. އެހެންކަމުން މަޣުރިބަށް ޢީދުވާ ދުވަހެއް އެނގޭނީ މިއަދު ހަވީރުއެވެ. ބައެއް މަޞްދަރުތަކުން ބުނާ ގޮތުން އަންގާރަދުވަހު މަޣުރިބުގައި ޢީދު ފާހަގަކުރުމަކީ އެކަށީގެންވާ ކަމެކެވެ.
މަޣުރިބުގައި ރަސްމީ މަޛުހަބެއްގެ ގޮތުގައި ޢަމަލުކުރަނީ މާލީކީ މަޛުހަބަށެވެ. އެ ޤައުމުގައި ހަނދު ސާބިތުކުރާނީ ލޮލަށް ހަނދު ފެނުމުގެ މައްޗަށް ބިނާކޮށެވެ. މިއަދު ހަނދު ލޮލަށް ނުފެނިއްޖެނަމަ އެ ޤައުމަށް ފިޠުރު ޢީދު ދުވަހަކަށްވާނީ އަންގާރަދުވަހެވެ. އެހެންވެއްޖެނަމަ މަޣުރިބުވާނީ އެހެން ހުރިހާ އިސްލާމީ ޤައުމުތަކާ ތަފާތު ދުވަހެއްގައި ޢީދު ފާހަގަކުރާ ޤައުމަށެވެ.