ENGLISH
03 އޭޕްރީލު 2025
ޔޫކްރޭނުގެ އަސްކަރީ ހޮސްޕިޓަލަށް ރަޝިޔާއިން ދިން ޙަމަލާ ހަނގުރާމައިގެ ޖަރީމާއެއްގެ ގޮތުގައި ސިފަކޮށްފި
30 މާރިޗު 2025
|
އެންމެ މަޤްބޫލު
ރަޝިޔާއިން ޔޫކްރޭނުގެ ޚާރްކީވްއަށް ހޮނިހިރު ދުވަހު ދިން ވަރުގަދަ ޙަމަލާތަކުގެ ތެރެއިން އަސްކަރީ ހޮސްޕިޓަލަކަށް ޙަމަލާދީ ހަނގުރާމައިގެ ޖަރީމާ ހިންގި ކަމުގެ ތުހުމަތު ޔޫކްރޭނުން ކޮށްފިއެވެ.
"ޑްރޯން ޙަމަލާއެއްގައި އެ ހޮސްޕިޓަލުގެ އިމާރާތާއި ކައިރީގައި ހުރި މީހުން ދިރިއުޅޭ އިމާރާތްތަކަށް ބޮޑެތި ގެއްލުންތައް ވަނީ ލިބިފައި،" ޔޫކްރޭނުގެ އަސްކަރިއްޔާއިން ނެރުނު ބަޔާނެއްގައި ބުންޏެވެ.
ރަޝިޔާގެ ޙަމަލާ އަމާޒުކުރި ހޮސްޕިޓަލުގައި އެވަގުތު ވެސް ގިނަ އަދަދެއްގެ ސިފައިންނަށް ފަރުވާދެމުންދިޔަ ކަމަށް ވެސް ބުނެފައިވެއެވެ.
އަދި އޭގެތެރެއިން ސިފައިންގެ ބައެއް މީހުން މަރުވެފައިވާ ކަމަށް ވެސް އަސްކަރިއްޔާއިން ބުންޏެވެ. ރަޝިޔާ އާ ދެކޮޅަށް ކުރާ ހަނގުރާމައިގެ ތެރެއިން މަރުވާ ސިފައިންގެ މީހުންގެ އަދަދު ރަސްމީކޮށް ހާމަނުކުރާތީ، މި ޙަމަލާގައި މަރުވި މީހުންގެ އަދަދެއް ނުބުނެއެވެ.
ޔޫކްރޭނުން ބުނީ ހޮސްޕިޓަލަކަށް ޙަމަލާ ދިނުމަކީ ބައިނަލްއަޤުވާމީ ޤާނޫނުތަކާ ޚިލާފަށް، ރަޝިޔާއިން ހިންގި ހަނގުރާމައިގެ ޖަރީމާއެއް ކަމަށެވެ.
ރަޝިޔާއިން މިފަހުން ވަނީ ޔޫކްރޭނަށް ދެމުންދާ ޙަމަލާތައް އިތުރަށް ވަރުގަދަކޮށްފައެވެ.
ޙަމަލާތައް ވަރުގަދަކޮށްފައިވަނީ ދެ ޤައުމުގެ ދެމެދުގައި ޙަމަލާތައް ހުއްޓައިލުމުގެ އެއްބަސްވުމަކަށް އެމެރިކާއިން އިސްވެ މަސައްކަތް ކުރަމުންދާ ދަނޑިވަޅެއްގައެވެ.