ENGLISH
04 އޭޕްރީލު 2025
ބާސެލޯނާ އިން މާޓިނޭޒް ކުޅުވި މައްސަލަ އޮސަސޫނާއިން ހުށަހަޅައިފި
28 މާރިޗު 2025
|
ބާސެލޯނާގެ ޑިފެންޑަރު، އިނީގޯ މާޓިނޭޒް. --ފޮޓޯ: ގެޓީ އިމޭޖަސް
އެންމެ މަޤްބޫލު
މިދިޔަ އިންޓަރނޭޝަނަލް ބްރޭކުގައި އަނިޔާގެ ސަބަބުން ސްޕެއިނުގެ ސްކޮޑުން ވަކިވި، ބާސެލޯނާގެ ސެންޓްރަލް ޑިފެންޑަރު، އިނީގޯ މާޓިނޭޒް އެންމެ ފަހުން ކުލަބު ކުޅުނު މެޗުގައި ކުޅުވި މައްސަލަ ރޯޔަލް ސްޕެނިޝް ފުޓްބޯލް ފެޑެރޭޝަނަށް އޮސަސޫނާ އިން ހުށަހަޅައިފިއެވެ.
މާޓިނޭޒްގެ ކަކުލަށް ލިބުނު އަނިޔާއެއްގެ ސަބަބުން އެންމެ ފަހުން ސްޕެއިނުން ޔުއެފާ ނޭޝަންސް ލީގުގައި ކުޅުނު މެޗުތަކުގައި ބައިވެރިނުވެއެވެ.
ފީފާގެ ގަވާއިދުގައި ބުނާގޮތުން، ޤައުމީ ޓީމަށް ކުޅުމަށް އެންގުމުން ނުކުޅެފި ނަމަ އެ ކުޅުންތެރިއަކަށް އެ ގައުމެއްގެ ފުޓްބޯޅަ އެސޯސިއޭޝަނެއްގެ ހުއްދަނެތި ފަސް ދުވަހުގެ ތެރޭގައި ކުލަބަށް ނުކުޅެވޭނެ އެވެ.
އެހެންކަމުން، އޮސަސޫނާ އަތުން 3-0 އިން ބާސެލޯނާ މޮޅުވި މެޗުގައި މާޓިނޭޒް ކުޅެފައިވުމުން އެ މައްސަލަ ހުށަހެޅުމަށް ނިންމީއެވެ.
އެ ކުލަބުން ނެރުނު ބަޔާނެއްގައި ވަނީ، ގައުމީ ޓީމުގެ މެޑިކަލް ލީވްއެއްގައި ހުރި ކުޅުންތެރިއަކު ފީފާގެ ގަވާއިދުގެ ދަށުން ރަސްމީ އިދާރާއެއްގެ ހުއްދައަކާ ނުލައި ކުޅުމަށް ޝަރުތުހަމަ ނުވާ ކަމަށެވެ.
ރޭގެ މެޗަކީ ކުރިން، މި މަހުގެ 8 ވަނަ ދުވަހު ކުޅެން ހަމަޖެހިފައި އޮތް މެޗެކެވެ. އެ ދުވަހުގެ ވަގުތެއްގައި ބާސެލޯނާގެ މެޑިކަލް ޑޮކްޓަރު ނިޔާވުމާއެކު މެޗު ފަސްކުރީ އެވެ. އެހެންނަމަވެސް، މެޗު ތާވަލްކުރި ދުވަސް ބަދަލުކުރުމަށް އޮސަސޫނާ އާއި ބާސެލޯނާ އިން ވެސް އެދުނެވެ. ލަލީގާ އިން އެކަމަށް އިޖާބަނުދިނުމުން ބާސެލޯނާގެ ކޯޗު، ހަންސީ ފްލިކް ވަނީ ހިތްހަމަނުޖެހުން ފާޅުކޮށްފައެވެ.