ENGLISH
03 އޭޕްރީލު 2025
މިޞްރުގައި ޓޫރިސްޓް ސަބްމެރީނެއް ފެތިގެން ހަ މީހަކު މަރުވެއްޖެ
28 މާރިޗު 2025
|
އެންމެ މަޤްބޫލު
ރަތް ކަނޑުގައި އޮންނަ މިޞްރުގެ ޓޫރިސްޓު ރިސޯޓެއްގައި، ޓޫރިސްޓުން ގޮވައިގެން ދަތުރުކުރި ސަބްމެރީނެއް ފެތިގެން، ހަ މީހަކު މަރުވެއްޖެއެވެ.
ހުރްޣާދާއިން ފުރައިގެން އެ ސަބްމެރީން ދަތުރުކުރަމުން ދިޔައީ 45 ޓޫރިސްޓުން ގޮވައިގެން ކަމަށް ރިޕޯޓުތައް ބުނެއެވެ. އޭގެތެރޭގައި ކުޑަކުދިން ވެސް ހިމެނޭކަމަށް ބުނެފައިވެއެވެ.
އެ ސަރަޙައްދުގެ ފަރުތައް ބަލަން ކުރި ދަތުރުގައި، ސިންދުބާދު ނަމަކަށް ކިޔާ ސަބްމެރީން ފެތިގެން މަރުވެފައިވަނީ ރަޝިޔާގެ ހަ ޓޫރިސްޓުން ކަމަށާއި އޭގެތެރޭގައި ދެ ކުޑަކުދިން ވެސް ހިމެނޭކަމަށް މިޞްރުގެ ކަމާބެހޭ އިދާރާއިން ބުންޏެވެ.
ބާކީތިބި 39 މީހުން ސަލާމަތްކޮށްފައިވާއިރު، އޭގެތެރެއިން ހަތަރު މީހެއްގެ ހާލު ސީރިއަސް ކަމަށާއި އެ މީހުންނަށް އައިސީޔޫގައި ފަރުވާދެމުން އަންނަ ކަމަށް ވެސް ބުނެފައިވެއެވެ.
އެ ހާދިސާ ހިނގަން މެދުވެރި ގޮތުގެ ތަހުޤީޤެއް ފަށާފައިވާކަމަށް އެ ސަރަޙައްދުގެ މޭޔަރު ވަނީ ވިދާޅުވެފައެވެ.
ރަތް ކަނޑަކީ މިޞްރުގެ އިޤްތިޞާދުގެ މައި ތަނބު ކަމުގައިވާ ފަތުރުވެރިކަމުގެ ސިނާޢަތަށް ވަރަށް މުހިންމު ކަނޑެކެވެ. އެ ޤަައުމަށް ފަތުރުވެރިންގެ ގޮތުގައި ޒިޔާރަތް ކުރާ މީހުން ރަތް ކަނޑުގެ އަޑި ބަލައިލުމަށް ވަރަށް ޝައުޤުވެރިވެއެވެ. ނަމަވެސް، ފާއިތުވި އަހަރެއްހާ ދުވަހުގެ ތެރޭގައި ރަތް ކަނޑުގައި މިފަދަ ހާދިސާތައް ހިނގާ މިންވަރު ވަނީ އިތުރުވެފައެވެ.