ENGLISH

04 އޭޕްރީލު 2025

Advertisement

ހައިދަރުއާބާދު އަތުން ލަކްނޯ އަށް ފަސޭހަ މޮޅެއް

28 މާރިޗު 2025

|

މުޙައްމަދު އަދުހަމް

ހައިދަރުއާބާދުގެ ކުޅުންތެރިއަކު ނުބައިކޮށްލުމަށްފަހު ލަކްނޯގެ ޝާރްދުލް ތާކުރް (ވ) އާއި ރަވީ ބިޝްނޯއި އުފާ ފާޅުކުރަނީ. --ފޮޓޯ: އޭޕީ

އިންޑިއަން ޕްރިމިއަރ ލީގު (އައިޕީއެލް) ގައި ރޭ ކުޅުނު މެޗުގައި ސަންރައިޒާސް ހައިދަރުއާބާދު އަތުން ފަސޭހަކަމާއެކު ލަކްނޯ ސުޕަ ޖަޔަންޓްސް މޮޅުވެއްޖެއެވެ.

މި މެޗުން ލަކްނޯ މޮޅުވީ ފަސް ވިކެޓުންނެވެ.

ހައިދަރުއާބާދުގައި ހުންނަ ރާޖިވް ގާންދީ އިންޓަރނޭޝަނަލް ސްޓޭޑިއަމްގައި ކުޅުނު މެޗުގެ ޓޮސް ދިމާވުމުން ލަކްނޯ އިން ގަސްދުކުރީ ހޮވަން އަރާށެވެ. ހައިދަރުއާބާދުން ކުޅެން އަރައި، 20 އޯވަރުގެ ތެރޭގައި ނުވަ ވިކެޓަށް 190 ލަނޑުހެދި އެވެ.

ހައިދަރުއާބާދުން އެންމެ ރަނގަޅަށް ކުޅުނީ ޓްރޭވިސް ހެޑް އާއި އަނިކޭތު ވަރްމާ އެވެ. ޓްރޭވިސް ހެޑް ވަނީ 28 ބޯޅައިން 47 ލަނޑު ހަދައިފައެވެ. އަނިކޭތު ވަރްމާ، 13 ބޯޅައިން 36 ލަނޑު ހެދިއެވެ. މި އިނިންގްސްގައި ލަކްނޯ އިން އެންމެ މޮޅަށް އުކީ ހަތަރު ވިކެޓްނެގި ޝާރްދުލް ތާކުރް އެވެ.

ރައްދުގައި ކުޅެން އަރައި، ލަކްނޯ އިން ވަނީ، 16.1 އޯވަރުގެ ތެރޭގައި ފަސް ވިކެޓަށް 193 ލަނޑު ހަދައިފައެވެ. އެންމެ މޮޅަށް ކުޅުނީ 26 ބޯޅައިން 70 ލަނޑުހެދި ނިކޮލަސް ޕޫރާން އެވެ. މި އިނިންގްސްގައި ހައިދަރުއާބާދުގެ ޕެޓް ކަމިންސް ދެ ވިކެޓް ނެގިއެވެ.

މި މެޗުގެ މޮޅު ކުޅުންތެރިއަކަށް ހޮވުނީ ލަކްނޯގެ އުކުންތެރިޔާ، ޝާރްދުލް ތާކުރް އެވެ.

މުބާރާތުގައި މިއަދު ކުޅޭ މެޗުގައި ޗެންނާއީ ސުޕަ ކިންގްސް ބައްދަލުކުރާނީ ރޯޔަލް ޗެލެންޖާސް ބެންގަލޫރުއާ އެވެ. މި ދެ ޓީމުން ވެސް ވަނީ ފުރަތަމަ މެޗު ކާމިޔާބުކޮށްފައެވެ.

ކިޔުންތެރިންގެ ހިޔާލު