ENGLISH

03 އޭޕްރީލު 2025

Advertisement

ތައިލެންޑުގެ ބޮޑުވަޒީރު މަޤާމުން ދުރުކުރަން ފާހެއް ނުވި

27 މާރިޗު 2025

|

ހަސަން އާމިރު

ތައިލެންޑުގެ ބޮޑުވަޒީރު ޕެއިތޮންގްތާން ޝިނަވާތު މަޤާމުން ދުރުކުރަން އިދިކޮޅު ޕާޓީތަކުން ހުށަހެޅި އިތުބާރު ނެތް ކަމުގެ މައްސަލަ ފާހެއް ނުވިއެވެ.

ކުރީގެ ބޮޑުވަޒީރު ތަކްސިން ޝިނަވާތުގެ ދަރިކަނބަލުން ޕެއިތޮންގްތާންގެ އިތުބާރު ނެތްކަމުގެ މައްސަލަ އިދިކޮޅު މެމްބަރުން ހުށަހެޅީ، އިޤްތިޞާދީ އަދި ޤައުމީ ސަލާމަތާ ގުޅޭ ކަންކަމުގައި ގެންގުޅޭ ސިޔާސަތުތައް ދޯހަޅިކަމާއި، ތަޖުރިބާ ނެތުމުގެ ސަބަބުން މަޤާމުގެ ޒިންމާ އަދާ ނުކުރެއްވޭ ކަމަށް ބުނެއެވެ.

އިތުބާރުނެތް ކަމުގެ މައްސަލައިގައި ދެ ދުވަހު ބަހުސްކުރުމަށް ފަހު ނެގުނު ވޯޓު ޕެއިތޮންގްތާން ކާމިޔާބު ކުރެއްވީ 319 މެމްބަރުންގެ ވޯޓާ އެކުއެވެ. އޭނާއަށް އިތުބާރު ނެތް ކަމަށް 162 މެމްބަރަކު ވޯޓު ދެއްވިއިރު، ވަކި ކޮޅަކަށް ވޯޓު ނުދެއްވާ ހަތް މެމްބަރަކު ތިއްބެވިއެވެ.

ޤާނޫނު ހަދާ މަޖިލީހުގެ ކުރެއްވި އިތުބާރަކީ، ޤައުމީ މަސައްކަތާއެކު ކުރިއަށް ދިޔުމަށް ލިބިވަޑައިގެންނެވި ހިތްވަރެއް ކަމަށް ޕެއިތޮންގްތާން ވިދާޅުވިއެވެ.

އެކަމަނާގެ ބައްޕަ ތަކްސިން އަކީ ތައިލެންޑުގެ ފަހުގެ ތާރީޚުގައި އުފެދުނު އެންމެ ނުފޫޒުގަދަ ސިޔާސީ ލީޑަރެވެ. އޭނާ އެނބުރި ތަލެންޑަށް ވަޑައިގެންނެވީ 15 އަހަރު އަމިއްލައަށް އަރުވާލައިގެން ޤައުމުން ބޭރުގައި ހުންނެވުމަށް ފަހު 2023 ވަނަ އަހަރުއެވެ.

ކޮރަޕްޝަނާއި މަޤާމުގެ ނުފޫޒުގެ ދަޢުވާ ސާބިތުވިޔަސް، ތަކްސިން ފުލުހުންގެ ހޮސްޕިޓަލެއްގައި ތަންފީޒު ކުރެއްވީ އެންމެ އަށް އަހަރުގެ ޖަލު ހުކުމެކެވެ. ހުކުމުގެ ބާކީ އޮތް މުއްދަތު ތައިލެންޑުގެ ރައީސް ވަނީ މާފުކޮށްދެއްވައިފައެވެ.

ކޯލިޝަން ސަރުކާރެއްގެ ތެރެއިން ޕެއިތޮންގްތާން ބޮޑުވަޒީރު ކަމަށް އިންތިހާބުވީ މިދިޔަ އަހަރުއެވެ.

ކިޔުންތެރިންގެ ހިޔާލު