ENGLISH
03 އޭޕްރީލު 2025
27 ވިލޭރޭ މަސްޖިދުލް ޙަރާމްގައި ރެކޯޑް ޢަދަދެއް ކަމަށްވާ 3.4 މިލިއަން މީހުން ނަމާދުކުރި
27 މާރިޗު 2025
|
މަސްޖިދުލް ހަރާމް ހިމެނޭ މުޅި ސަރަހައްދު ރޭ ވަނީ ފުރިފައި.
އެންމެ މަޤްބޫލު
ރަމަޟާން މަހުގެ 27 ވަނަ ވިލޭރޭ މަސްޖިދުލް ޙަރާމްގައި ރެކޯޑް އަދަދަކަށް މީހުން ނަމާދުކޮށްފިއެވެ.
ދުނިޔޭގެ އެކި ކަންކޮޅުތަކުން އުމްރާގެ އަޅުކަން އަދާކުރުމަށް މައްކާ އަށް ޖަމާވި މީހުންނާއި ސަޢުދީން ހަރަމްފުޅަށް ދިޔަ މީހުންނާ އެކު 3.4 މިލިއަނަށް ވުރެ ގިނަ މީހުން ވަނީ މާތްވެގެންވާ ހަރަމްފުޅުގައި ރޭ ނަމާދުކޮށްފައެވެ.
އިސްލާމީ ކަލަންޑަރުގެ އެންމެ މަތިވެރި އެއް ރޭކަމަށް ބެލެވޭ ލައިލަތުލް ޤަދުރު ރޭގެ މަތިވެރި ސަވާބާއި ދަރުމަ ހޯދުމުގެ މަގްސަދުގައި، ދުނިޔޭގެ އެކި ކަންކޮޅުތަކުން އައިސްފައިވާ މުސްލިމުންނާއެކު މަސްޖިދުލް ޙަރާމްގެ ހަރިންމަ ފުރިގެން، ކައިރީގައިވާ މަގުތައް ވެސް ފުރޭ ވަރަށް ރޭ މީހުން ޖަމާވެފައިވެއެވެ.
ހަރަމްފުޅުގައި ދަމު ނަމާދު ރޭ އިމާމުވެ ކުރެއްވީ ދެ ހަރަމްފުޅުގެ އިސް އިމާމް އަބްދުއްރަހުމާން އައް ސުދައިސްއެވެ.
މިދިޔަ އަހަރުގެ ރޯދަ މަހުގެ 27 ވިލޭރޭ މައްކާގެ ހަރަމްފުޅުގައި ނަމާދުކޮށްފައި ވަނީ 2.5 މިލިއަން މީހުންނެވެ.
ރަމަޟާން މަހުގެ ފަހު ދިހައިގެ ދުވަސްތަކުގައި ދުނިޔޭގެ މުސްލިމް ހުރިހާ ގައުމަކުން ވެސް ޢުމްރާގެ އަޅުކަމަށް މައްކާ އަށް ގިނަ ޢަދަދެއްގެ ބަޔަކު ދަތުރުކުރެއެވެ.