ENGLISH

04 އޭޕްރީލު 2025

Advertisement

ފަހު ދިހައެއްގައި ޙަރަމްފުޅަށް ކުޑަކުދިން ނުގެންދިޔުމަށް އިލްތިމާސްކޮށްފި

25 މާރިޗު 2025

|

ޝަރާ އަބްދުﷲ

މަސްޖިދުލް ޙަރަމް...ފޮޓޯ: ޑެއިލީ ޓެން މިނެޓްސް

ރަމަޟާން މަހުގެ ފަހު ދިހަ ދުވަހު މާތްވެގެންވާ މަސްޖިދުލް ޙަރާމަށް ކުޑަކުދިން ނުގެންދިއުމަށް ސަޢުދީ ޢަރަބިއްޔާއިން އިލްތިމާސްކޮށްފިއެވެ.

ކޮންމެ އަހަރެއްގެ ރަމަޟާން މަހު، ޚާއްޞަކޮށް އެންމެ ފަހު ދިހަ ދުވަހު، މަސްޖިދުލް ޙަރާމަށް ޒިޔާރަތްކޮށް ޢުމްރާ ކުރާ މީހުންގެ ޢަދަދު ވަރަށް ބޮޑަށް އިތުރުވެއެވެ.

ސަޢުދީ ޢަރަބިއްޔާގެ ދާޙިލީ ވުޒާރާއިން ވަނީ މިސްކިތުގައި އަޅުކަންކުރާ އެންމެންގެ ރައްކާތެރިކަމާއި ސަލާމަތްތެރިކަން ކަށަވަރުކުރުމަށްޓަކައި، މި ދުވަސްވަރު މިސްކިތުގައި މީހުން އެންމެ ގިނަވާ ވަގުތުތަކުގައި ކުޑަކުދިން ނުގެންދިއުމަށް އެދިފައެވެ. މިސްކިތުގެ ސަލާމަތީ ފިޔަވަޅުތަކާ އެއްގޮތަށް ޢަމަލުކުރުމުގެ މުހިންމުކަން ފާހަގަކުރަމުން، އެ ވުޒާރާއިން ބުނެފައިވަނީ މިސްކިތުގައި އަޅުކަންކުރާ އެންމެންނަށްވެސް ހަމަޖެހުމާއެކު އަޅުކަން އަދާކުރެވޭނީ މިގޮތަށް ޢަމަލުކުރުމުން ކަމަށެވެ.

ދެ ޙަރަމްފުޅު ބެލެހެއްޓުމާ ޙަވާލުވެފައިވާ ސަޢުދީ ޢަރަބިއްޔާގެ އިދާރާއިން ވަނީ، ކުޑަކުދިން ބެލެހެއްޓުމުގެ ޚިދުމަތް ފޯރުކޮށްދެމުންދާކަން ހަނދާންކޮށްދީ، މި ޚިދުމަތުގެ ބޭނުން ހިފުމަށް އާންމުންނަށް އިލްތިމާސްކޮށްފައެވެ. އެ އިދާރާއިން މަޢުލޫމާތު ދީފައިވާ ގޮތުގައި، ޙަރަމްފުޅުގައި ޤާއިމުކޮށްފައިވާ ޑޭ ކެއަރ ސެންޓަރުތަކަކީ ކުޑަކުދިންނަށް ރައްކާތެރި އަދި އަމާން މާޙައުލެއް ކަމަށާއި، މި ސެންޓަރުތަކުގެ ޚިދުމަތް ދުވާލަކު 24 ގަޑިއިރު ލިބެން ހުންނާނެ ކަމަށެވެ. 

ކިޔުންތެރިންގެ ހިޔާލު