ENGLISH

04 އޭޕްރީލު 2025

Advertisement

ނައިބު ރައީސް ކުޅުއްވާ މުއިވެޔޮ ސެމީ އަށް

22 މާރިޗު 2025

|

މުޙައްމަދު އަދުހަމް

ރައީސުލްޖުމްހޫރިއްޔާގެ ނައިބު، ޙުސައިން މުޙައްމަދު ލަޠީފު މިއަދު ހަވީރު ވެޓެރަންސް ލީގުގައި ޕޮލިސް ކުލަބާ ދެކޮޅަށް ކުޅުއްވަނީ. --ފޮޓޯ: ރައީސް އޮފީސް

އެފްއޭއެމް ވެޓެރަންސް ލީގުގައި ރައީސުލްޖުމްހޫރިއްޔާގެ ނައިބު ޙުސައިން މުޙައްމަދު ލަޠީފު ކުޅުއްވާ މުއިވެޔޮ ފްރެންޑްސް ކުޅުނު މެޗު 1-1 އިން ޕޮލިސް ކުލަބާ އެއްވަރުވެ، ގްރޫޕް ބީގެ އެއްވަނަ ޓީމުގެ ގޮތުގައި ސެމީ ފައިނަލަށް ދަތުރުކޮށްފިއެވެ.

މުއިވެޔޮ ޓީމު އެއްވަނައިގައި އޮތީ ހަތަރު މެޗުން 8 ޕޮއިންޓް ހޯދައިގެންނެވެ. ދެވަނަ ޓީމުގެ ގޮތުގައި ސެމީ އަށް ދިޔައީ ދަ ގްރާންޑޭ އެވެ. ތިންވަނައިގައި އޮތް ޕޮލިހާއި ދަ ގްރާންޑޭ އަށް ވެސް ހަތް ޕޮއިންޓް ލިބުނުއިރު، ދަ ގްރާންޑޭ އަށް ކުރިލިބުނީ ފައިދާ ގޯލްގެ ތަފާތުންނެވެ.

މާފަންނު ޓާފް ދަނޑުގައި މިއަދު ހަވީރު ކުޅުނު މެޗުގައި ނައިބު ރައީސް ޙުސައިން މުޙައްމަދު ލަޠީފު ކުޅުއްވާ މުއިވެޔޮ ޓީމުން ލަނޑުޖެހީ ލިބުނު ޕެނަލްޓީއަކުން މުޙައްމަދު ނިޔާޒް އެވެ. ޕޮލިސް ކުލަބަށް އެއްވަރުކޮށްދިނީ ނައުފަލް މުޙައްމަދު އެވެ.

މި ފަހަރުގެ މުބާރާތުގައި ވާދަކުރި 10 ޓީމު ދެ ގްރޫޕަކަށް ބަހާލައިގެން ކުރިއަށް ގެންދިޔައިރު، މުބާރާތުގެ ގްރޫޕް އޭގެ އެއްވަނަ ޓީމުގެ ގޮތުގައި ވިލިމާލެ ޔުނައިޓެޑް ސެމީ އަށް ދަތުރުކުރިއިރު، އެ ގްރޫޕުގެ ދެވަނަ މަގާމު ހޯދީ އެންމެ ފަހުގެ ޗެމްޕިއަން، ހުޅުމާލެ ވެޓެރަންސް ކުލަބެވެ.

ސެމީގައި މުއިވެޔޮ ނުކުންނާނީ ހުޅުމާލެއާ ދެކޮޅަށެވެ. އަނެއް ސެމީގައި ވިލިމާލެ ބައްދަލުކުރާނީ ދަ ގްރާންޑޭއާ އެވެ.

މި މުބާރާތުގެ ފައިނަލް މެޗު ކުޅުމަށް ހަމަޖެހިފައި ވަނީ މި މަހުގެ 27 ވަނަ ދުވަހުއެވެ.

ކިޔުންތެރިންގެ ހިޔާލު