ކްރިކެޓް ބޯޑް އޮފް މޯލްޑިވްސް (ސީބީއެމް) އިން ބާއްވާ މައިލޯ ރަމަޟާން ކްރިކެޓް ކާނިވަލްގެ ދެވަނަ މުބާރާތް ކަމަށްވާ، އޮފީސް ޓޭޕްބޯލް މުބާރާތުގެ ޗެމްޕިއަންކަން ދިވެހި ސިފައިންގެ ކުލަބު (ޑީއެސްސީ) ހޯދައިފިއެވެ.

މިއަދު ހަވީރު ކުޅުނު މެޗުން ސިފައިން ވަނީ ހަ ވިކެޓުން ކަސްޓަމްސް ރެކްރިއޭޝަން ކުލަބު ބަލިކޮށްފައެވެ.

ކުޅިވަރު އެކުވެނި ކްރިކެޓް ގްރައުންޑްގައި ކުޅުނު މެޗުގެ ޓޮސް ދިމާވުމުން ދިވެހި ސިފައިންގެ ކުލަބު ގަސްދުކުރީ ހޮވަން އަރާށެވެ.

ކަސްޓަމްސް އިން ކުޅެން އަރައި، 8 އޯވަރުގެ ތެރޭގައި ހަތް ވިކެޓަށް 107 ލަނޑު ހެދިއެވެ. އެ ޓީމުން އެންމެ ރަނގަޅަށް ކުޅުނީ 16 ބޯޅައިން 29 ލަނޑު ހެދި ފައިސަލް އަބްދުއްސައްތާރު އެވެ. މި އިނިންގްސްގައި ސިފައިންގެ ކުލަބުގެ އަބްދުﷲ ޝާހިދު ތިން ވިކެޓް ނެގިއެވެ.

ރައްދުގައި ކުޅެން އަރައި، 7.1 އޯވަރުގެ ތެރޭގައި ސިފައިންގެ ކުލަބުން މޮޅުވެގެން ފޭބީ އެއް ވިކެޓަށް 109 ލަނޑު ހަދައިގެންނެވެ. އެންމެ ރަނގަޅަށް ކުޅުނީ 12 ބޯޅައިން 27 ލަނޑު ހެދި އިސްމާއިލް ނާޝިދު އާއި ނުބައިނުވެ 20 ބޯޅައިން 34 ލަނޑު ހެދި އަބްދުﷲ ޝާހިދު އެވެ.