ENGLISH

04 އޭޕްރީލު 2025

Advertisement

ގޮރެޓްޒްކާ ލަނޑާއެކު، އިޓަލީ އަތުން ޖަރުމަން މޮޅުވެއްޖެ

21 މާރިޗު 2025

|

މުޙައްމަދު އަދުހަމް

އިޓަލީ ކޮޅަށް ލަނޑު ޖެހުމަށްފަހު ޖަރުމަންގެ މިޑްފީލްޑަރު، ގޮރެޓްޒްކާ (ކ) އުފާ ފާޅުކުރަނީ. --ފޮޓޯ: އޭޕީ

ޔުއެފާ ނޭޝަންސް ލީގުގެ ކުއާޓާ ފައިނަލުގެ ފުރަތަމަ ލެގުގައި ރޭ ކުޅުނު މެޗުގައި ފަހަތުން އަރައި، 2-1 އިން އިޓަލީ އަތުން ޖަރުމަން މޮޅުވެއްޖެއެވެ.

މިލާންގެ ސެން ސީރޯގައި ކުޅުނު މެޗުގެ ކުރީކޮޅު، އިޓަލީ އަށް ލީޑު ނަގައިދިނީ ސެންޑްރޯ ޓޮނާލީ އެވެ.

ދެވަނަ ހާފުގެ ކުޅުން ފެށިތަނާ ޖަރުމަނުން އެއްވަރުކުރީ ޓިމް ކްލެއިންޑިއެންސްޓް ކާމިޔާބުކުރި ގޯލުންނެވެ. އަދި، އޭގެފަހުން، މެޗުގެ ފަހު 15 މިނެޓުގެ ތެރޭގައި ޖަރުމަން މޮޅުކޮށްދިނީ ގޮރެޓްޒްކާ އެވެ. މި ދެ ލަނޑު ޖެހުމަށް އެހީތެރިވެދިނީ ވެސް ޖަރުމަންގެ ކެޕްޓަން، ޖޯޝުއާ ކިމިޗް އެވެ.

މެޗަށް ފަހު ވާހަކަ ދައްކަމުން އިޓަލީގެ ކޯޗު، ލުސިއާނޯ ސްޕަލޭޓީ ބުނީ، އޭނާގެ ޓީމު ބަލިވީ މުޅި މެޗަށް ބަލާއިރު ގިނަ ގޯސްތަކެއް ހެދުމުން ކަމަށެވެ.

ޖަރުމަންގެ ކޯޗު، ހޫލިއަން ނާގަލްސްމަން ވަނީ، އެ ޓީމު މޮޅުކޮށްދިން ލަނޑު ޖަހައިދިން ބަޔާންގެ މިޑްފީލްޑަރު، ގޮރެޓްޒްކާ އަށް ތައުރީފުކޮށްފައެވެ. ނާގަލްސްމަން ބުނީ، އެޓޭކުތަކުގައި އާއި ޑިފެންސްގައި ގޮރެޓްޒްކާ ރަނގަޅު ކުޅުމެއް ދައްކާފައިވާ ކަމަށެވެ.

މި ދެ ޓީމުގެ މެދުގައި ކުޅުމަށް ހަމަޖެހިފައިވާ ދެވަނަ ލެގުގެ މެޗު އޮތީ އަންނަ ހޯމަ ދުވަހު އެވެ.

ކިޔުންތެރިންގެ ހިޔާލު