ލަންޑަންގެ ހީތުރޯ އެއަރޕޯރްޓް ކައިރީގައި ހުރި އިލެކްޓްރިކަލް ސަބްސްޓޭޝަނެއްގައި ބޮޑު އަލިފާނުގެ ހާދިސާއެއް ހިނގައި، ދުނިޔޭގެ އެކި ކަންކޮޅުތަކުގައި ފްލައިޓް ޝެޑިއުލްތަކަށް ބުރޫއެރުމުން މުޅި ދުވަހު އެއްކޮށް އެ އެއާޕޯޓް ބަންދުކޮށްފި އެވެ.

މި ހާދިސާގެ ސަބަބުން، ކައިރީގައި ހުރި އިމާރާތްތަކުން 150 އެއްހާ މީހުން އެހެން ހިސާބުތަކަށް ބަދަލުކުރިއެވެ. މީގެއިތުރުން، ޔުޓިލިޓީ ސަޕްލައި ކުރާ ސްކޮޓިޝް އެންޑް ސަދަން އިލެކްޓްރިސިޓީ ނެޓްވޯކްސް އިން ބުނާ ގޮތުގައި 16،000 އަށް ވުރެ ގިނަ ގެއިން ކަރަންޓް ވެސް ކެނޑިފައިވާ ކަމަށް މައުލޫމާތުދެއެވެ.

އިލެކްޓްރިކަލް ސަބްސްޓޭޝަން ޓްރާންސްފޯމަރެއްގައި ބުރާސްފަތި ދުވަހުގެ ރޭ އަލިފާން ރޯވެފައިވާ ކަމަށް ލަންޑަން ފަޔަރ ބްރިގޭޑުން ބުނެ އެވެ. ސަބަބެއް އަދި އެނގިފައި ނުވާއިރު، ހުކުރު ދުވަހުގެ ހެނދުނުގެ ވަގުތެއްގައި ވެސް ފަޔާ ފައިޓަރުން ދިޔައީ، އަލިފާން ނިއްވުމުގެ މަސައްކަތް ކުރަމުންނެވެ.

ހީތުރޯ އެއަރްޕޯރްޓްގައި ކަރަންޓް ކެނޑުމުން މުޅި އެއަރޕޯރްޓް އަންދިރިވެފައިވާ ކަމަށް ސޯޝަލް މީޑިއާގައި ހިއްސާކޮށްފައިވާ ވީޑިއޯތަކުން ދައްކަ އެވެ.

ފަޔަރްފައިޓަރުން ދަނީ އަލިފާން ނިއްވުމަށް މަސަތްކަތް ކުރަމުންނެވެ.