މޯލްޑިވްސް ކްލީން އެންވަޔަރަންމަންޓް ޕްރޮޖެކްޓް (އެމް.ސީ.އީ.ޕީ) ގެ ދަށުން ރާއްޖޭގެ 2، 4 އަދި 5 ވަނަ ޒޯނުގެ އެކި ރަށްރަށުން 14 މުވައްޒަފުން އިންޑިއާގެ ނިއު ދިއްލީއަށް މިއަދު ފުރައިފިއެވެ.

މި ވަފުދު ދަތުރުކުރީ ނިއު ދިއްލީގައި ހުންނަ ޓެރީ ސްކޫލް އޮފް އެޑްވާންސްޑް ސްޓަޑީޒްގައި ކުރިއަށްދާ "ވޭސްޓް މެނޭޖްމަންޓް ސިސްޓަމްސް: އޮޕަރޭޝަން އެންޑް މެއިންޓަނަންސް" އާ ގުޅޭ ތަމްރީނު ޕްރޮގްރާމެއްގައި ބައިވެރިވުމަށެވެ.

ނޮވެމްބަރު 11 އިން 14 އަށް ކުރިއަށްދާ ހަތަރު ދުވަހުގެ ތަމްރީނު ޕްރޮގްރާމަކީ ޓެރީ ސްކޫލް އޮފް އެޑްވާންސްޑް ސްޓަޑީޒްގެ އައި.ސީ.ޑަބްލިއު.އެމް.އާރުގައި ކުރިއަށްދާ ޕްރޮގްރާމެކެވެ. މި ޕްރޮގްރާމުގެ މަޤްޞަދަކީ ކުނި މެނޭޖްކުރުމުގެ ހުނަރު އިތުރުކޮށް، ބައިވެރިންގެ ރަށްރަށުގައި ތިމާވެށި ރައްކާތެރިކުރުމުގެ މަސައްކަތްތައް އިތުރަށް ހަރުދަނާކުރުމެވެ.