އިޒްރޭލުން ފަލަސްތީނުގެ ރައްޔިތުންނަށްނާ ދެކޮޅަށް ހިންގާ އުދުވާންތަކަށް ހައްލެއް ނުލިބި ދިގުލައިދާދިއުން ހުއްޓުވައި، ފަލަސްތީނުގެ ރައްޔިތުންގެ ހައްގުތައް ކަށަވަރުކޮށްދިނުމުގައި އެކަށީގެންވާ ނަތީޖާއެއް ނެރުމަށްޓަކައި މުޅި އިސްލާމީ އުންމަތް ގުޅިގެން މަސައްކަތްކުރަން ޖެހޭ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. 

އިސްރާއީލުގެ އިސްތިޢުމާރީ ބާރުތަކުން ފަލަސްޠީނާއި ލުބްނާނަށް ދެމުންދާ ހަމަލާތަކާއި، ސަރަޙައްދީ ޙުތޫރާތްތެރި މައްސަލަތަކާމެދު، މަޝްވަރާކުރުމަށް ސައުދީ އަރަބިއްޔާގެ ވެރިރަށް ރިޔާޛުގައި ކުރިއަށްދާ ޖޮއިންޓް ޢަރަބް-އިސްލާމިކް ސަމިޓުގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވީ އިސްރާއީލުގެ ހައްދުފަހަަނަ އަޅާފައިވާ ރަހުމުކުޑަ އަމަލުތަކުން ފަލަސްތީނުގެ ރައްޔިތުންނަށް ލިބެމުންދާ އަނިޔާތަކާއި ވޭނުގެ ވާހަކައަކީ އިއްޔެ ނުވަތަ މިއަދު ދައްކާ ވާހަކައެއް ނޫންކަމަށާއި، މިއީ އެތައް އަހަރެއްހާ ވެފައިވާ މައްސަލައެއް ކަަމަށެވެ.

އިސްލާމީ އުއްމަތުގެ ލީޑަރެއްގެ ގޮތުގައި ސައުދީއަރަބިއްޔާއިން ކުރަމުން ގެންދާ މަސައްކަތްތައް ފާހަގަ ކުރައްވައި ރައީސުލްޖުމްހޫރިއްޔާ ވިދާޅުވީ ފަލަސްތީނުގެ މައްސަލާގައި ނަތީޖާ ނެރުމަށް ސައުދީގެ ލީޑަރޝިޕްގެ ދަށުން އިސްލާމީ އުއްމަތުން ގުޅިގެން މަސައްކަތްކުރަންޖެހެއެވެ.

 ރައީސް މުއިއްޒު ވިދާޅުވި އެވެ.

ފަލަސްތީނަށް އިޒްރޭލުން ދެމުން ގެންދާ ހަމަލާތަކާއި ޖަރީމާތަކާ ގުޅިގެން ސައޫދީ އަރަބިއްޔާ އިން އިސްނަގައިގެން އެ ގައުމުގައި ބާއްވާ ޖޮއިންޓް އަރަބް-އިސްލާމިކް ސަމިޓުގައި ރައީސް ވިދާޅުވީ އަނިޔާވެރި އިސްތިއުމާރާއި ހިނގަމުންދާ ނަސްލު ނައްތާލުމުގެ ޖަރީމާގެ ސަބަބުން އަދަދު ނުކުރެވޭ މިންވަރަށް ގެއްލުންތައް ލިބެމުންދާ ކަމަށެވެ.

ފަލަސްތީނުގެ ޣައްޒާގެ އިތުރުން ލުބްނާނަށް އިޒްރޭލުން ދެމުންދާ ރަހުމް ކުޑަ ހަމަލާތަކުގެ ސަބަބުން، ފާއިތުވި އަހަރެއްހާ ދުވަހު އެކަނިވެސް ބައި ލައްކަ އަށް ވުރެ ގިނަ މީހުން ޝަހީދުވެފައިވާ ކަމަށް އެ މަނިކުފާނު ވިދާޅުވި އެވެ.

އެކަމަކު ބާރު ހުރި ފަރާތްތަކުން އަޅާ ނުލައި ތިބުމުގެ ސަބަބުން ދުނިޔޭގެ އެކި ކަންކޮޅުތަކުގެ އެ އަނިޔާވެރިކަން ކުށްވެރި ކުރާ އަޑުތައް ފަނޑުކޮށްލާފައިވާ ކަމަށް ރައީސް ވިދާޅުވި އެވެ.

ފާއިތުވި އަހަރެއްހާ ދުވަހުގެ ތެރޭގައި އެކަނިވެސް ފަލަސްތީނުގެ ބައި ލައްކައަށްވުރެ ގިނަ ރައްޔިތުން ޝަހީދުކޮށްލާފައިވާކަން ފާހަގަކުރައްވަމުން ރައީސް ވިދާޅުވީ ފަލަސްތީނުގެ ހައްގުގައި އަޑު އުފުލާތާ އެތައް އަހަރެއްވީއިރުވެސް އެ މައްސަލައަށް ހައްލެއް ނުލިބޭ ކަމަށާއި އަދި ބާރުވެރި ފަރާތްތަކަށް އެކަމާއި އަޅާލާ މަންޒަރުވެސް ނުފެންނަ ކަމަށެވެ.

 ރައީސް މުއިއްޒު ވިދާޅުވި އެވެ

އަދި ބާރުވެރި ފަރާތްތަކުން ފަލަސްތީނުގެ މައްސަލާގައި ހިމޭނުން އޮތުމުން، ނުވަތަ ފިޔަވަޅެއް ނާޅާ އޮތުމުން އެކަމުގެ ފައިދާ ނަގައިގެން ފަލަސްތީނުގެ ރައްޔިތުންނަށް ދޭ އަނިޔާތައް އިސްރާއީލުން އިތުރަށް ވަރުގަދަ ކުރާކަންވެސް ރައީސުލްޖުމްހޫރިއްޔާގެ ވާހަކަފުޅުގައި ފާހަގަކުރެއްވިއެވެ.

ރައީސުލްޖުމްހޫރިއްޔާ ވިދާޅުވީ އެމެރިކާއާއި ބާރުގަދަ އެހެން ޤައުމުތަކުން ޕަލަސްތީނުގެ މައްސަލާގައި އަމަލުކުރާ ގޮތުން ފަލަސްތީނުގެ ރައްޔިތުންގެ ފުރާނައިގެ އަގެއް ނެތްކަމަށް އެ ޤައުމުތަކުން ބަލާކަން ދޭހަވާކަމަށެވެ. އަދި ބައިނަލްއަޤްވާމީ މުޖްތަމަޢުއާއި ނުފޫޒުގަދަ ފަރާތްތަކުން ފަލަސްތީނުގެ ރައްޔިތުން ފެއިލްކޮށްލާފައިވާކަމަށްވެސް ރައީސުލްޖުމްހޫރިއްޔާ ވިދާޅުވިއެވެ.

ރައީސް ވިދާޅުވި ގޮތުގައި، ފަލަސްތީނަކީ މިނިވަން ދައުލަތެއްގެ ގޮތުގައި ހަމައެކަނި ބަލައިގަތުމަކުން ނުފުދެ އެވެ.

 އެ މަނިކުފާނު ވިދާޅުވި އެވެ.

މީގެއިތުުރުން ފަލަސްތީނުގެ ރައްޔިތުންގެ ހައްގުގައި އދގައި ކުރާ މަސައްކަތްތަަށްވެސް ވީޓޯގެ ބާރު ބޭނުންކޮށްގެން ހުރަސް އަޅަމުންދާކަންވެސް ރައީސުލްޖުމްހޫރިއްޔާގެ ވާހަކަފުޅުގައި ފާހަގަކުރެއްވިއެވެ.ރައީސުލްޖުމްހޫރިއްޔާ ވިދާޅުވީ ފަލަސްތީނުގެ ދައުލަތް ދުނިޔޭގެ ގިނަ ޤައުމުތަކަކުން ބަލައިގެންފައިވާ ކަމަށާއި، ނަމަވެސް ބައިނަލްއަޤްވާމީ މުޖްތަމަޢުއިން އެކަމަށް ސިޔާސީގޮތުންނާއި މާލީގޮތުން ބާރުދޭން ޖެހޭ ކަމަށެވެ. އަދި އެގޮތުން ކުރާ ކިތަންމެ ކުޑަ މަސައްކަތެއް ވިޔަސް، ކިތަންމެ ބޮޑު މަސައްކަތެއްވިޔަސް، އެއީ މާނަ ހުރި ކަންކަންކަމާއި، ރާއްޖެއިންވެސް އެ މަގުން ކިތަންމެ މަސައްކަތެއް ފަލަސްތީނުގެ ރައްޔިތުންގެ ހައްގުގައި ކުރަމުންދާކަން ރައީސުލްޖުމްހޫރިއްޔާ ފާހަގަކުރެއްވިއެވެ. 

ރައީސް ވިދާޅުވީ ފަލަސްތީނުގެ ހައްގުގައި ދިވެހިރާއްޖެއިން އަބަދުވެސް މަސައްކަތްކުރާ ކަމަށާއި އެގޮތުން ދާދި ފަހުންވެސް ދިވެހި ރައްޔިތުން ފަލަސްތީނުގެ ރައްޔިތުންނަށްޓަކައި 1.2 މިލިއަން ޑޮލަރު ފަލަސްތީނުގެ ރައްޔިތުންނަށް އެހީވުމަށް ހަދިޔާކޮށްފައިވާނެ ކަމަށެވެ. 

އަދި އިޒްރޭލާ ދެކޮޅަށް ދެކުނު އެފްރިކާއިން އިންޓަނޭޝަނަލް ކޯޓު އޮފް ޖަސްޓިސްއަށް ހުށަހަޅާފައިވާ މައްސަލައަށް ދިވެހިރާއްޖެއިންވެސް ވަނީ ފަލަސްތީނުގެ ރައްޔިތުންގެ ހައްގުގައި ތަދައްހުލުވެފައިކަންވެސް ރައީސް ފާހަގަކުރެއްވިއެވެ.