ENGLISH
04 އޭޕްރީލު 2025
މާސޭ ބަލިކޮށް، ޕީއެސްޖީން ލީގު ހޯދުމާ ގާތަށް
17 މާރިޗު 2025
|
ރޭގެ މެޗުގައި ޕީއެސްޖީ އަށް ލަނޑު ޖަހައިދިނުމަށްފަހު ޑެމްބެލޭ އުފާ ފާޅުކުރަނީ. --ފޮޓޯ: ރޮއިޓާސް
އެންމެ މަޤްބޫލު
ފްރެންޗް ލީގުގައި ރޭ ކުޅުނު މެޗުގައި ވާދަވެރި އޮލިމްޕިކް މާސޭ 3-1 އިން ބަލިކޮށް، ޕީއެސްޖީ ލީގު ހޯދުމާ ގާތަށް ޖެހިލައިފިއެވެ.
މި މޮޅާއެކު، ޕީއެސްޖީ ވަނީ އެއްވަނައިގައި, 26 މެޗުން 68 ޕޮއިންޓް ހަމަކޮށްފައެވެ. ދެވަނައިގައި މާސޭ އޮތީ 49 ޕޮއިންޓާއެކު އެވެ. މި ދެ ޓީމުގެ މެދުގައި 19 ޕޮއިންޓްގެ ފަރަގެއް އޮތްއިރު، ޕީއެސްޖީ އަށް ބާކީ އޮތް 8 މެޗުގެ ތެރެއިން ދެ މެޗު ކާމިޔާބުކޮށްގެން ލީގު ކަށަވަރުކުރެވޭނެ އެވެ. ލީގުގައި މިހާތަނަށް ބަލިނުވާ ހަމައެކަނި ޓީމަކީ ވެސް ޕީއެސްޖީ އެވެ.
ޕީއެސްޖީގެ ދަނޑުގައި ކުޅުނު މެޗުގައި އެ ޓީމު ވަނީ ފުރަތަމަ ހާފުގައި ދެ ލަނޑު ޖަހައިފައެވެ. އެ ޓީމަށް މި ލަނޑުތައް ޖަހައިދިނި އޮސްމާނޭ ޑެމްބެލޭ އާއި ނޫނޯ މެންޑޭސް އެވެ.
ދެވަނަ ހާފުގެ ކުރީކޮޅު، އަމީން ގުއީރީގެ ލަނޑުން މާސޭ ފަރަގުކުޑަކުރިއިރު، ޕީއެސްޖީން އަލުން ލީޑު ދެމެހެއްޓީ މާސޭގެ ޕޯލް ލިރޯލާ އަތުން ބައިކޮޅަށް ވަތް ގޯލަކުންނެވެ.
ލީގުގައި ޕީއެސްޖީ އަށް ދެން އޮތީ މި މަހުގެ 29 ވާ ހޮނިހިރު ދުވަހު ރަށުން ބޭރުގައި ސެއިންޓް އެޓިއެންއާ ދެކޮޅަށް ކުޅެން ޖެހޭ މެޗެވެ.