ENGLISH

04 އޭޕްރީލު 2025

Advertisement

އެޓަލާންޓާ ބަލިކޮށް، އިންޓަރ ލީޑު ފުޅާކޮށްފި

17 މާރިޗު 2025

|

މުޙައްމަދު އަދުހަމް

ރޭގެ މެޗުގައި ލަނޑުޖެހުމަށްފަހު އަގުސްޓޯ އުފާ ފާޅުކުރަނީ. --ފޮޓޯ: ރޮއިޓާސް

އިޓާލިއަން ލީގުގައި ރޭ ކުޅުނު މެޗުގައި އެޓަލާންޓާ 2-0 އިން ބަލިކޮށް، އިންޓަރ މިލާނުން ތާވަލްގެ ކުރީގައި ތިން ޕޮއިންޓްގެ ލީޑެއް ނަގައިފިއެވެ.

މި ނަތީޖާއާއެކު، އިންޓަރ އެއްވަނައިގައި އުޅެނީ 29 މެޗުން 64 ޕޮއިންޓް ހޯދައިގެންނެވެ. ތިން ޕޮއިންޓް ފަހަތުން ދެވަނައިގައި ނަޕޯލީ އޮތްއިރު، އެޓަލާންޓާ އަށް 58 ޕޮއިންޓާއެކު ލިބިފައިވަނީ ތިންވަނަ އެވެ.

އެޓަލާންޓާގެ ދަނޑުގައި ކުޅުނު މެޗުގައި އިންޓަރގެ ލަނޑުތައް ޖަހައިދިނީ ކާލޯސް އަގުސްޓޯ އާއި ލަޓާރޯ މާޓިނޭޒް އެވެ.

މެޗުގެ ފަހުބައިގައި އެޓަލާންޓާގެ މިޑްފީލްޑަރު، އެޑާސަން އާއި އިންޓަރގެ ޑިފެންޑަރު، އަލެސަންދްރޯ ބަސްޓޯނީ އަށް ސީދާ ރަތް ކާޑު ދެއްކުމުން ދެ ޓީމުން ވެސް ނިންމާލީ 10 ކުޅުންތެރިންނާއެކު އެވެ.

މި މުބާރާތުގައި ރޭ ކުޅުނު އަނެއް މެޗުގައި ފިއޮރެންޓީނާގެ ދަނޑުގައި އެ ޓީމުން ވަނީ 3-0 އިން ޔުވެންޓަސް ބަލިކޮށްފައެވެ.

ކިޔުންތެރިންގެ ހިޔާލު