އިނގިރޭސި ޕްރިމިއަރ ލީގުގައި ރޭ ކުޅުނު މެޗުގައި މެންޗެސްޓަރ ޔުނައިޓެޑުން 3-0 އިން ލެސްޓަރ ސިޓީ ބަލިކޮށްފިއެވެ.

މިއީ މިދިޔަ ޖަނަވަރީ މަހުގެ ފަހުން ލީގުގައި ޖެހިޖެހިގެން ދެ މެޗުން ޔުނައިޓެޑް މޮޅުވި ފުރަތަމަ ފަހަރެވެ.

ކިންގޕަވާ ސްޓޭޑިއަމްގައި ކުޅުނު މެޗުގެ 28 ވަނަ މިނެޓުގައި ޔުނައިޓެޑަށް ލީޑު ނަގައިދިނީ ރަސްމުސް ހޮއިލުންޑް އެވެ.

ދެވަނަ ހާފުގެ ކުޅުމުގެ މެދާ ހިސާބުން އަލެހަންދްރޯ ގާނާޗޯ ވަނީ ނަތީޖާ 2-0 އަށް ބަދަލުކޮށްލާފައެވެ. އަދި، އޭގެފަހުން، މެޗުގެ އެންމެ ފަހު މިނެޓުގައި ޔުނައިޓެޑްގެ ފަހު ލަނޑު ޖަހައިދިނީ ކެޕްޓަން، ބްރޫނޯ ފެނާންޑޭސް އެވެ. މި މެޗުގައި ޔުނައިޓެޑުން ޖެހި ތިން ލަނޑުގެ ތެރެއިން ފުރަތަމަ ދެ ގޯލްޖެހުމަށް އެހީތެރިވެދިނީ ވެސް ފެނާންޑޭސް އެވެ.

މި މޮޅާއެކު، ޔުނައިޓެޑް ވަނީ ތާވަލްގެ 13 ވަނަ އަށް ޖެހިލައިފައެވެ. އެ ޓީމަށް 29 މެޗުން ލިބިފައިވަނީ 37 ޕޮއިންޓެވެ.

މި މެޗުން ބަލިވި ލެސްޓަރ އުޅެނީ ފުލުން ދެވަނައިގައެވެ. އެ ޓީމަށް ލިބިފައި ވަނީ 17 ޕޮއިންޓެވެ.