ENGLISH
04 އޭޕްރީލު 2025
ލިވަޕޫލް ބަލިކޮށް، ނިއުކާސަލް އަށް ތާރީޚީ ކާމިޔާބީއެއް
17 މާރިޗު 2025
|
ނިއުކާސަލްގެ ކުޅުންތެރިން ލީގު ކަޕް ޓްރޮފީއާ އެކު. --ފޮޓޯ: ރޮއިޓާސް
އެންމެ މަޤްބޫލު
އިނގިރޭސި ލީގު ކަޕް ފައިނަލުގައި ރޭ ލިވަޕޫލް 2-1 އިން ބަލިކޮށް، ނިއުކާސަލް ޔުނައިޓެޑް ޑޮމެސްޓިކް ކަޕް މުބާރާތެއްގެ ޓްރޮފީ ނުލިބި ދިގުދެމިގެންދިޔަ 70 އަހަރުވީ ރެކޯޑަށް ނިމުމެއް ގެނެސްފިއެވެ.
ނިއުކާސަލް އެންމެ ފަހުން ޑޮމެސްޓިކް ކަޕް މުބާރާތެއް ކާމިޔާބުކުރީ 1955 ވަނަ އަހަރު އެވެ. އެ ފަހަރުގެ ފައިނަލުގައި އެ ޓީމު ވަނީ މެންޗެސްޓަރ ސިޓީ ބަލިކޮށްފައެވެ.
ވެމްބްލީ ސްޓޭޑިއަމްގައި ކުޅުނު މެޗުގައި ފެނިގެންދިޔަ ހުރިހާ ގޯލެއް ވެސް ކާމިޔާބުކުރީ ފަހު ހާފުގައެވެ.
ރޭގެ މެޗުގެ ދެވަނަ ހާފުގެ ކުރީކޮޅު، ނިއުކާސަލް ވަނީ ދެ ލަނޑު ޖަހައިފައެވެ. އެ ޓީމަށް މި ދެ ލަނޑު ޖަހައިދިނީ ޑޭން ބާން އާއި އަލެކްސެންޑާ އިސާކް އެވެ.
ލިވަޕޫލްގެ ހަމައެކަނި ލަނޑު، އިތުރު ވަގުތުގެ ތެރޭގައި ކާމިޔާބުކޮށްދިނީ ފެޑެރީކޯ ކިއޭސާ އެވެ. ރެފްރީ މި ލަނޑު ގަބޫލުކުރަން ނިންމީ ވީއޭއާރް އިން ބެލުމަށްފަހު އެވެ.