ENGLISH

04 އޭޕްރީލު 2025

Advertisement

ނައިބު ރައީސްގެ ލަނޑާ އެކު، މުއިވެޔޮ، ގްރޫޕްގެ އެއްވަނަ އަށް

16 މާރިޗު 2025

|

މުޙައްމަދު އަދުހަމް

ރައީސުލްޖުމްހޫރިއްޔާގެ ނައިބު، ޙުސައިން މުޙައްމަދު ލަޠީފު މިއަދު ހަވީރު ވެޓެރަންސް ލީގުގައި އީގަލްސްއާ ދެކޮޅަށް ކުޅުއްވަނީ. --ފޮޓޯ: ރައީސް އޮފީސް

ރައީސުލްޖުމްހޫރިއްޔާގެ ނައިބު ޙުސައިން މުޙައްމަދު ލަޠީފުގެ ލަނޑާއެކު އެފްއޭއެމް ވެޓެރަންސް ލީގުގައި މިއަދު ހަވީރު ކުޅުނު މެޗުގައި އީގަލްސް އަތުން 5-0 ގެ ތަފާތު ބޮޑު ނަތީޖާއަކުން މޮޅުވެ، މުއިވެޔޮ ފްރެންޑްސް ގްރޫޕު ބީ ގެ އެއްވަނަ މަގާމަށް ޖެހިލައިފިއެވެ.

މިއީ މި ފަހަރުގެ މުބާރާތުގައި މުއިވެޔޮ ފްރެންޑްސް ކުޅުނު ތިންވަނަ މެޗެވެ. މުއިވެޔޮ ޓީމުން ވަނީ އޭގެތެރެއިން ދެ މެޗު ކާމިޔާބުކޮށް، އެއް މެޗު އެއްވަރުވެފައެވެ. މިއާއެކު، އެ ޓީމަށް ލިބިފައިވަނީ ހަތް ޕޮއިންޓެވެ. ދެވަނައިގައި އޮތް ސްޓެލްކޯ އަށް ލިބިފައިވަނީ ހަ ޕޮއިންޓެވެ.

މާފަންނު ޓާފް ދަނޑުގައި މިއަދު ހަވީރު ކުޅުނު މެޗުގައި ނައިބު ރައީސް ޙުސައިން މުޙައްމަދު ލަޠީފު ވަނީ މުއިވެޔޮގެ ފަސްވަނަ ލަނޑު ޖަހައިދީފައެވެ. މި މެޗުގައި އެ ޓީމުގެ އަބްދުﷲ ސުޖާއު ދެ ގޯލްޖެހިއިރު، ދެން ލަނޑު ޖަހައިދިނީ އިބްރާހިމް ފުރުގާން އާއި މުޙައްމަދު ނިޔާޒެވެ. މި މެޗުގެ މޮޅު ކުޅުންތެރިޔާގެ މަގާމަށް ހޮވުނީ ނައިބު ރައީސް އެވެ.

މި ފަހަރުގެ މުބާރާތުގައި ޖުމްލަ 10 ޓީމެއް ވާދަކުރާއިރު، މުބާރާތުގެ ކުޅުން ކުރިއަށްދަނީ ދެ ގްރޫޕަކަށް ބަހާލައިގެންނެވެ. މުބާރާތުގެ ކޮންމެ ގްރޫޕެއްގެ ވެސް އެއްވަނަ އަދި ދެވަނަ ޓީމު ސެމީ ފައިނަލަށް ދަތުރުކުރާގޮތަށް ރޭވިފައިވާ މި މުބާރާތުގެ ފައިނަލް މެޗު ކުޅުމަށް ހަމަޖެހިފައި ވަނީ މި މަހުގެ 27 ވަނަ ދުވަހުއެވެ.

ކިޔުންތެރިންގެ ހިޔާލު