ކްރިކެޓް ބޯޑް އޮފް މޯލްޑިވްސް (ސީބީއެމް) އިން ބާއްވާ މައިލޯ ރަމަޟާން ކްރިކެޓް ކާނިވަލްގެ ފުރަތަމަ މުބާރާތް ކަމަށްވާ، އޯޕަން ޓޭޕްބޯލް މުބާރާތުގެ ޗެމްޕިއަންކަން އެމްއޭސީއެލް އިން ހޯދައިފިއެވެ.

މިއަދުގެ މެޗުގައި އެމްއޭސީއެލް ވަނީ ހަތަރު ވިކެޓުން ކޭޑީއެމް ބަލިކޮށްފައެވެ.

ކުޅިވަރު އެކުވެނި ކްރިކެޓް ގްރައުންޑްގައި ކުޅުނު މެޗުގެ ޓޮސް ދިމާވުމުން އެމްއޭސީއެލް އިން ގަސްދުކުރީ ހޮވަން އަރާށެވެ. ކޭޑީއެމް އިން ކުޅެން އަރައި، 8 އޯވަރުގެ ތެރޭގައި ހަތަރު ވިކެޓަށް 94 ލަނޑު ހެދިއެވެ.

ކޭޑީއެމް އިން އެންމެ ރަނގަޅަށް ކުޅުނީ 22 ބޯޅައިން 25 ލަނޑު ހެދި އިޝްހާޤު އަހުމަދު އެވެ. އެމްއޭސީއެލް އިން އެންމެ ރަނގަޅަށް އުކީ ދެ ވިކެޓް ނެގި އަހުމަދު ނީޝާމް އެވެ.

ރައްދުގައި ކުޅެން އަރައި، އެމްއޭސީއެލް އިން ވަނީ 6.4 އޯވަރުގެ ތެރޭގައި ތިން ވިކެޓަށް 95 ލަނޑު ހަދައިފައެވެ. އެ ޓީމުން އެންމެ ރަނގަޅަށް ކުޅުނީ 14 ބޯޅައިން 34 ލަނޑު ހެދި އާދަމް ނާސިފް އުމަރު އެވެ. މީގެއިތުރުން، އެ ޓީމުގެ މުއާވިޔަތު އަބްދުލް ޣަނީ ވަނީ ނުބައިނުވެ 10 ބޯޅައިން 23 ލަނޑު ހަދައިފައެވެ.