ENGLISH
04 އޭޕްރީލު 2025
ގާތްގާތުގައި މެޗު ކުޅެން ޖެހުމުން އަންޗެލޮޓީ ރަތަށް
16 މާރިޗު 2025
|
ރެއާލްގެ ކޯޗު، އަންޗެލޮޓީ. --ފޮޓޯ: ރޮއިޓާސް
އެންމެ މަޤްބޫލު
ދެ މެޗުގެ ދޭތެރޭގައި އަރާމުކުރަން މަދުވެގެން 72 ގަޑިއިރު ނުލިބޭނަމަ ދެން މެޗެއް ނުކުޅޭނެ ކަމަށް ރެއާލް މެޑްރިޑްގެ ކޯޗު، ކާލޯ އަންޗެލޮޓީ ބުނެފިއެވެ.
އަންޗެލޮޓީ މިހެން ބުނީ، ލީގުގައި ރޭ ވިޔަރެއާލް އަތުން މޮޅުވި މެޗަށްފަހު ބޭއްވި ނޫސްވެރިންގެ ބައްދަލުވުމުގައެވެ.
މިދިޔަ ހަފްތާގައި ޔުއެފާ ޗެމްޕިއަންސް ލީގުގެ ދެވަނަ ބުރުގައި އެތުލެޓިކޯ މެޑްރިޑާ ދެކޮޅަށް 120 މިނެޓު ކުޅުމަށްފަހު، ރެއާލުން ރޭގެ މެޗަށް ނުކުތީ 66 ގަޑިއިރަށް ފަހު އެވެ.
"އަހަންނަށް ހީވާ ގޮތުގައި މިއީ 72 ގަޑިއިރަށް ވުރެ މަދުން އަރާމުކުރަން ވަގުތު ލިބިގެން އަހަރެމެން މެޗެއް ކުޅޭނެ އެންމެ ފަހު ފަހަރު. ދެ މެޗުގެ ދޭތެރޭގައި އެކަށީގެންވާ ވަގުތެއް ނުލިބި އަހަރެމެން ދެން ނުކުޅޭނަން،" އަންޗެލޮޓީ ބުންޏެވެ.
އަންޗެލޮޓީ ބުނީ، ރޭގެ މެޗުގައި އޭނާގެ ޓީމު ފެނުނީ ވަރަށް ބޮޑަށް ވަރުބަލިކޮށް ކަމަށާއި، އެހެން އެގޮތަށް ވާނެ ކަމަށް ކުރީން އުއްމީދުވެސް ކުރެވުނު ކަމަށެވެ. ރެއާލްގެ ސްކޮޑާއި ލިބެންހުރި ވަސީލަތްތަކާ އަޅާބަލާއިރު އެއީ ލިބުނު ކާމިޔާބީއެއްގެ ގޮތުގައި އަންޗެލޮޓީ ވަނީ ސިފަކޮށްފައެވެ.
އަންޗެލޮޓީގެ ވާހަކައިގައިވަނީ، މެޗު ތާވަލް ކުރުމުގައި އޮތް މައްސަލަތައް ލަލީގާގެ ސަމާލުކަމަށް ގެނައި ނަމަވެސް، އެކަމުގައި ޖަވާބެއް ލިބިފައިނުވާ ކަމަށް ފާހަގަކޮށްފައެވެ.
އެންމެ މުހިއްމީ އޭނާގެ ޓީމުން މެޗު ކާމިޔާބުކުރެވުން ކަމަށާއި، ބާސެލޯނާއާ އެތުލެޓިކޯ މެޑްރިޑް ބައްދަލުކުރާ މެޗު ފުޓްބޯޅައަށް ލޯބިކުރާ ސަޕޯޓަރެއްގެ ގޮތުގައި ބަލާނެ ކަމަށް އަންޗެލޮޓީ ބުންޏެވެ. އަދި، އެ މެޗުގެ ނަތީޖާ މުހިއްމު ނޫން ކަމަށް ވެސް އަންޗެލޮޓީ ވަނީ ބުނެފައެވެ.