ENGLISH
04 އޭޕްރީލު 2025
ބްރައިޓަން ކޮޅަށްޖެހި ގޯލާއެކު، 30 އަހަރުވީ ރެކޯޑެއް ހާލަންޑް މުގުރާލައިފި
15 މާރިޗު 2025
|
ގޯލަށްފަހު ހާލަންޑް އުފާ ފާޅު ކުރަނީ--ފޮޓޯ: ގެޓީ އިމޭޖްސް
އެންމެ މަޤްބޫލު
އެލަން ޝިއަރަރ 30 އަހަރު ވަންދެން ހިފަހައްޓާފައިވާ ޕްރިމިއަރ ލީގުގެ ރެކޯޑެއް މެންޗެސްޓަރ ސިޓީގެ ފޯވާޑް އަރލިންގ ހާލަންޑް މުގުރާލައިފިއެވެ.
ބްރައިޓަންއާ ދެކޮޅަށް މެންޗެސްޓަރ ސިޓީ 2-2 އެއްވަރުވި މެޗުގައި ހާލަންޑް ޖެހި ގޯލަކީ ޕްރިމިއަރ ލީގުގައި އޭނާ ޖެހި 84 ވަަނަ ގޯލެވެ. މިގޯލާއެކު ހާލަންޑް ވަނީ އޭނާގެ ޕްރިމިއަރ ލީގުގެ ގޯލު ކޮންޓްރިބިއުޝަން 100 އަށް ޖައްސާލާފައެވެ.
ދެހާސް ބާވީސްގައި ބޮރޫޝިއާ ޑޯޓްމަންޑުން ސިޓީއާ ގުޅުނު ފަހުން ހާލަންޑް ވަނީ 94 މެޗުން 84 ލަނޑުޖަހާ، 16 ލަނޑު ޖެހުމަށް މަގުފަހި ކޮށްދީގެން އިނގިރޭސި ފުރަތަމަ ޑިވިޝަނުގެ ތާރީޚުގައި އެންމެ އަވަހަށް 100 ގޯލް ކޮންޓްރިބިއުޝަން ހާސިލްކުރި ކުޅުންތެރިޔާގެ ރެކޯޑް ހަދާފައެވެ.
މީގެ ކުރިން މި ރެކޯޑް އޮތް ކުޅުންތެރިޔާ ކަމަށްވާ އެލެން ޝިއަރަރ ވަނީ 1994 ވަނަ އަހަރު، 100 މެޗުން 100 ގޯލް ކޮންޓްރިބިއުޝަން ހާސިލް ކޮށްފައެވެ. އެލެން ޝިޔަރަރ އަކީ އިނގިރޭސި ފުރަތަމަ ޑިވިޝަނުގައި ޖެހި 260 ގޯލާއެކު، އިނގިރޭސި ފުރަތަމަ ޑިވިޝަނުގައި މިހާތަނަށް އެންމެ ގިނަ ލަނޑު ޖެހި ކުޅުންތެރިޔާއެވެ.
މެންޗެސްޓަރ ސިޓީއަށް ބަދަލު ވުމަަށްފަހު، ހާލަންޑް ވަނީ ދެފަހަރު ޕްރިމިއަރ ލީގުގެ އެންމެ ގިނަ ލަނޑު ޖަހާ ކުޅުންތެރިޔާއަށްދޭ ގޯލްޑަން ބޫޓް ހޯދާފައެވެ. ހާލަންޑް ސިޓީއަށް ބަދަލުވި ފުރަތަމަ ސީޒަނުގައި ވަނީ 36 ލަނޑު ޖަހައި، މުބާރާތުގެ ތާރީޚުގައި އެއް ސީޒަނެއްގައި އެންމެ ގިނަ ލަނޑު ޖެހި ރެކޯޑްޗވެސް ހަދާފައެވެ. އަދި ހާލަންޑަކީ އެއް އަހަރެއްގައި ޕްރިމިއަރ ލީގުގެ ސީޒަނެއްގައި އެންމެ މޮޅު ކުޅުންތެރިޔާގެ އިނާމާއި އެންމެ މޮޅު ޒުވާން ކުޅުންތެރިޔާގެ އިނާމު ހޯދި ފުރަތަމަ ކުޅުންތެރިޔާއެވެ.
ދުނިޔޭގައި މިހާރު ހުރި އެންމެ މޮޅު އެއް ފޯވާޑް ކަމަށް ގިނަބަޔަކު ގަބޫލުކުރާ ހާލަންޑްވަނީ، އޭނާގެ ކެރިޔަރުގައި ކުޅުނު 337 މެޗުން 274 ގޯލު ޖަހާފައެވެ.