ENGLISH
04 އޭޕްރީލު 2025
ރަޝިޔާގެ ކުރޫސްކް ސަރަޙައްދުގައި ތިބި ޔޫކްރޭނު ސިފައިން ހަތިޔާރު ބަހައްޓަން ޕޫޓިން ގޮވާލައްވައިފި
15 މާރިޗު 2025
|
އެންމެ މަޤްބޫލު
ރަޝިޔާ އާއި ޔޫކްރޭނުން ކުރަމުންދާ ހަނގުރާމައިގެ ތެރެއިން ޔޫކްރޭނުން ހިފާފައިވާ ރަޝިޔާގެ ކުރޫސްކް ސަރަޙައްދުގައި ތިބި ޔޫކްރޭނު ސިފައިން ހަތިޔާރު ބެހެެއްޓުމަށް ރަޝިޔާގެ ރައީސް ވްލެޑިމިޔަރ ޕޫޓިން ގޮވާލައްވައިފިއެވެ.
ޕޫޓިން ކުރިން ވިދާޅުވެފައިވާ ގޮތުގައި، ޔޫކްރޭނުން މިދިޔަ އަހަރުގެ އޯގަސްޓު މަހުން ފެށިގެން ހިފާފައިވާ އޮތް ކުރޫސްކް ސަރަޙައްދުތައް ރަޝިޔާ ސިފައިން މިހާރު ވަނީ އަނބުރާ ހޯދައިފައެވެ.
މިގޮތުން، ޔޫކްރެއިންގެ އަތްދަށުން އޭގެ ތެރެއިން 85 އިންސައްތަ ބިންތައް މިނިވަން ކޮށްފައިވާ ކަމުގައި ރަޝިޔާގެ އަސްކަރިއްޔާއިން ބުންޏެވެ.
އެ ސަރަޙައްދުގައި ތިބި ޔޫކްރޭނު ސިފައިން ފޭބުމުގެ ފުރުޞަތު ދޭން، އެމެރިކާގެ ރައީސް ޑޮނަލްޑް ޓްރަމްޕް ވެސް ވަނީ ރަޝިޔާއަށް އިލްތިމާސް ކުރައްވައިފައެވެ.
ޕޫޓިން ވިދާޅުވި ގޮތުގައި، ޓްރަމްޕްގެ އިލްތިމާސް ބަލައިގަންނަވާ ކަމަށެވެ.
އަދި ކުރޫސްކްގައި ތިބި ޔޫކްރޭނު ސިފައިން ހަތިޔާރު ބަހައްޓައިފިނަމަ، އެ މީހުން ފުރާނަ ސަލާމަތްވާނެ ކަމަށެވެ.
ކުރޫސްކް ސަރަޙައްދު ގެއްލުމަކީ، ޔޫކްރޭނަށް ކުރިމަތިވާނެ ވަރަށް ބޮޑު ދެރައެކެވެ. ރަޝިޔާ އާއެކު ސުލްޙައިގެ އެއްބަސްވުމެއްގެ ޝަރުތުތައް ކަނޑައެޅުމުގެ އެ ސަރަޙައްދު ބޭނުންކުރަން ޔޫކްރޭނުން ވިސްނާފައި އޮތް ކަމަށް ރިޕޯޓުތައް ބުނެއެވެ.