ENGLISH
04 އޭޕްރީލު 2025
ފެނާންޑޭސްގެ ހެޓްރިކާއެކު ޔުނައިޓެޑް ކުއާޓާރ އަށް
14 މާރިޗު 2025
|
ސޮސިއެޑާޑް ކޮޅަށް ލަނޑުޖެހުމަށްފަހު ޔުނައިޓެޑްގެ ކެޕްޓަން، ފެނާންޑޭސް އުފާ ފާޅުކުރަނީ. --ފޮޓޯ: ރޮއިޓާސް
އެންމެ މަޤްބޫލު
ޔުއެފާ ޔުރޮޕާ ލީގުގައި ރޭ ކުޅުނު މެޗުގައި ރެއާލް ސޮސިއެޑާޑް 4-1 އިން ބަލިކޮށް، މެންޗެސްޓަރ ޔުނައިޓެޑުން ކުއާޓާ ފައިނަލުން ޖާގަ ހޯދައިފިއެވެ.
މި މޮޅާއެކު، ޔުނައިޓެޑުން ކުއާޓާ އަށް ދަތުރުކުރީ 5-2 ގެ އެގްރިގޭޓުންނެވެ.
އޯލްޑް ޓްރެފޯޑްގައި ކުޅުނު މެޗުގެ 10 ވަނަ މިނެޓުގައި ސޮސިއެޑާޑްގެ ކެޕްޓަން، މިކޭލް އޮޔާޒަބާލް ޕެނަލްޓީއަކުން ކާމިޔާބުކޮށްދިން ލަނޑުން އެ ޓީމު ލީޑު ނަގާފައިވަނިކޮށް، ޔުނައިޓެޑަށް އެއްވަރުކޮށްދިނީ ވެސް ލިބުނު ޕެނަލްޓީއަކުން ކެޕްޓަން، ބްރޫނޯ ފެނާންޑޭސް އެވެ.
ދެވަނަ ހާފުގެ މެދާހިސާބުން ސޮސިއެޑާޑްގެ ޑިފެންޑަރު، ޖޮން އަރަމްބޫރޫ އަށް ސީދާ ރަތް ކާޑު ދެއްކުމުން އެ ޓީމު ބާކީބައި ފުރިހަމަކުރީ 10 ކުޅުންތެރިންނާއެކު އެވެ.
މެޗުގައި ޔުނައިޓެޑަށް އިތުރު ދެ ލަނޑުޖަހައިދީ ފެނާންޑޭސް ހެޓްރިކް ފުރިހަމަކޮށް، މޮޅު ކަށަވަރުކޮށްދިންއިރު، އިތުރު ވަގުތުގެ ތެރޭގައި އެ ޓީމުގެ ހަތަރުވަނަ ލަނޑުޖެހީ ޑިއޯގޯ ޑަލޮޓް އެވެ.
މި މުބާރާތުގައި ރޭ ކުޅުނު އެހެން މެޗުތަކުގެ ނަތީޖާއަށް ބަލާއިރު، އަމިއްލަ ދަނޑުގައި 3-1 އިން ނެދަލެންޑްސްގެ އޭޒެޑް އަލްކްމާރް ބަލިކޮށް، ޓޮޓެންހަމް ހޮޓްސްޕަރ ވަނީ 3-2 ގެ އެގްރިގޭޓުން ކުއާޓާ އަށް ދަތުރުކޮށްފައެވެ.
ސްޕެއިނުގެ އެތުލެޓިކް ބިލްބާއޯގެ ދަނޑުގައި އެ ޓީމު ވަނީ 3-1 އިން އިޓަލީގެ އޭއެސް ރޯމާ ބަލިކޮށް، 4-3 ގެ އެގްރިގޭޓުން ކުރިހޯދައިފައެވެ. ޖަރުމަނުގެ އެއިންޓްރަކްޓް ފްރެންކްފާޓުން ވަނީ 4-1 އިން ނެދަލެންޑްސްގެ އަޔެކްސް އެމްސްޓެޑަމް ބަލިކޮށް، 6-2 ގެ އެގްރިގޭޓުން އެ ޓީމުގެ މައްޗަށް ކުރިހޯދައިފައެވެ.