ENGLISH
04 އޭޕްރީލު 2025
އެސްޓަން ވިލާ އާއި ޑޯޓްމުންޑް ކުއާޓާރ އަށް
13 މާރިޗު 2025
|
މެޗަށްފަހު ޑޯޓްމުންޑްގެ ކުޅުންތެރިން އުފާ ފާޅުކުރަނީ. --ފޮޓޯ: ރޮއިޓާސް
އެންމެ މަޤްބޫލު
ޔުއެފާ ޗެމްޕިއަންސް ލީގުގެ ގަދަ 16 ގެ ބުރުގައި ރޭ ކުޅުނު މެޗުތަކުން މޮޅުވެ، އެސްޓަން ވިލާ އާއި ބޮރޫޝިއާ ޑޯޓްމުންޑް މުބާރާތުގެ ކުއާޓާ ފައިނަލުން ޖާގަ ހޯދައިފިއެވެ.
އަމިއްލަ ދަނޑުގައި ބެލްޖިއަމްގެ ކުލަބު ބްރޫޖް އަތުން 3-0 އިން އެސްޓަން ވިލާ ވަނީ މޮޅުވެފައެވެ. ރަށުން ބޭރުގައި ލިއްލެ އަތުން ޑޯޓްމުންޑް މޮޅުވީ 2-1 އިންނެވެ.
ވިލާގެ ދަނޑުގައި ރޭ ކުޅުނު މެޗުން ހޯދި މޮޅާއެކު، އެ ޓީމު ވަނީ 6-1 ގެ އެގްރިގޭޓުން ކުރިހޯދައިފައެވެ. ރޭގެ މެޗުގައި ވިލާގެ މާކޯ އަސެންސިއޯ ދެ ލަނޑު ޖެހިއިރު، އެ ޓީމުގެ އަނެއް ލަނޑުޖެހީ އިއާން މާޓްސެން އެވެ.
މި މުބާރާތުގައި ރޭ ކުޅުނު އަނެއް މެޗުގައި ޑޯޓްމުންޑްގެ ލަނޑުތައް ޖެހީ އެމްރޭ ޗާން އާއި މެކްސް ބެއިއާ އެވެ. ލިއްލެގެ ހަމައެކަނި ލަނޑު ޖަހައިދިނީ ޖޮނަތަން ޑޭވިޑް އެވެ.
މި ދެ ޓީމުގެ މެދުގައި ކުޅުނު ފުރަތަމަ ލެގުގެ މެޗު 1-1 އިން އެއްވަރުވިއިރު، ރޭގެ ނަތީޖާއާއެކު ޑޯޓްމުންޑް ކުއާޓާ އަށް ދަތުރުކުރީ 3-2 ގެ އެގްރިގޭޓުންނެވެ.