ENGLISH

04 އޭޕްރީލު 2025

Advertisement

ބާސެލޯނާ އާއި ބަޔާން ކުއާޓާ އަށް

12 މާރިޗު 2025

|

މުޙައްމަދު އަދުހަމް

ރޭގެ މެޗުގައި ލަނޑު ޖެހުމަށްފަހު ބާސެލޯނާގެ ރަފީނިއާ (ކ) އާއި ޔަމާލް އުފާ ފާޅުކުރަނީ. --ފޮޓޯ: ރޮއިޓާސް

ޔުއެފާ ޗެމްޕިއަންސް ލީގުގެ ގަދަ 16 ގެ ބުރުގައި ރޭ ކުޅުނު މެޗުތަކުން މޮޅުވެ، ބާސެލޯނާ އާއި ބަޔާން މިއުނިކު އެ މުބާރާތުގެ ކުއާޓާ ފައިނަލަށް ދަތުރުކޮށްފިއެވެ.

އަމިއްލަ ދަނޑުގައި 1-3 އިން ބެންފީކާ އަތުން ބާސެލޯނާ ވަނީ މޮޅުވެފައެވެ. ބަޔާ ލެވަކޫސަންގެ ދަނޑުގައި އެ ޓީމު އަތުން ބަޔާން މޮޅުވީ 0-2 އިންނެވެ.

ބާސެލޯނާގެ ދަނޑުގައި ކުޅުނު މެޗުގައި އެ ޓީމު ކާމިޔާބުކުރި ތިން ލަނޑުގެ ތެރެއިން ދެ ގޯލްޖަހައިދިނީ ރަފީނިއާ އެވެ. އަނެއް ލަނޑު ޖެހީ ލަމީން ޔަމާލް އެވެ.

މި މެޗުގައި ބެންފީކާގެ ހަމައެކަނި ލަނޑު ޖަހައިދިނީ ނިކޮލަސް އޮޓަމެންޑީ އެވެ.

މި ދެ ޓީމުގެ މެދުގައި ކުޅުނު ފުރަތަމަ ލެގުގެ މެޗު 0-1 އިން ބާސެލޯނާ ކާމިޔާބުކުރިއިރު، ރޭގެ މެޗުން ހޯދި މޮޅާއެކު އެ ޓީމު ކުރިހޯދީ 1-4 ގެ އެގްރިގޭޓުންނެވެ.

މި މުބާރާތުގައި ރޭ ކުޅުނު އަނެއް މެޗުގައި ލެވަކޫސަންގެ ދަނޑުގައި އެ ޓީމު އަތުން ބަޔާން މޮޅުވިއިރު، އެ ޓީމުގެ ލަނޑުތައް ޖަހައިދިނީ ހެރީ ކޭން އާއި އަލްފޮންސޯ ޑޭވީސް އެވެ. މި ނަތީޖާއާއެކު، ބަޔާނުން ދެ މެޗުގެ އެގްރިގޭޓުން 0-5 އިން ވަނީ ކުރިހޯދައިފައެވެ.

ކިޔުންތެރިންގެ ހިޔާލު