ENGLISH

04 އޭޕްރީލު 2025

Advertisement

ޕާކިސްތާނުގެ ރޭލެއްގައި ރަހީނުކޮށްފައިވާ މީހުން ސަލާމަތްކުރަން ވަރުގަދަ އޮޕަރޭޝަނެއް ފަށަން ތައްޔާރުވެއްޖެ

12 މާރިޗު 2025

|

ހަސަން އާމިރު

ޕާކިސްތާނުގެ ހަމަނުޖެހުން ބޮޑު ބަލޮޗިސްތާނު ސަރަޙައްދުން ދަތުރުކުރަމުންދިޔަ ރޭލަކަށް ހަނގުރާމަވެރިން ޙަމަލާދީ، އެ ރޭލުގައި ތިބި އެތައް ސަތޭކަ ފަސަންޖަރުން ރަހީނުކޮށްފިއެވެ.

މި ޙަމަލާގެ ޒިންމާ، އެ ސަރަޙައްދުގައި ހަރަކާތްތެރިވާ ހަނގުރާމަވެރި ޖަމާޢަތް، ބަލޮޗިސްތާނު ލިބަރޭޝަން އާމީ (ބީއެލްއޭ) އިން ވަނީ ނަގައިފައެވެ.

ބީއެލްއޭ ހަނގުރާމަވެރިން ވަނީ، ރޭލު ދަނގަޑުގެ ބައެއް ގޮއްވާލައި، ރޭލަށް އަރައި، އޭގެން ދަތުރުކުރަމުންދިޔަ 450 އެއްހާ ފަސަންޖަރުން ރަހީނުކޮށްފައެވެ.

ސަލާމަތީ ބާރުތަކުން ހަނގުރާމަވެރިންނާ ކުރިމަތިލައި، ގިނަ އަދަދެއްގެ ރަހީނުން މިހާރު ވެސް ވަނީ މިނިވަންކޮށްފައެވެ. އެ ކުރިމަތިލުންތަކުގައި މިހާތަނަށް ތިން މީހަކު މަރުވެފައިވާއިރު، އޭގެތެރޭގައި ރޭލު ދުއްވަން އިން ޑްރައިވަރު ވެސް ހިމެނެއެވެ.

ޕާކިސްތާނުގެ އިންޓީރިއާ މިނިސްޓަރު މުޙްސިން ނަޤްވީ ވިދާޅުވީ، ސަލާމަތީ ބާރުތަކުން މިހާތަނަށް 100 އެއްހާ ފަސަންޖަރުން ސަލާމަތްކޮށްފައިވާ ކަމަށެވެ.

އޭގެތެރޭގައި، 58 ފިރިހެނުން، 31 އަންހެނުން އަދި 15 ކުޑަކުދިން ހިމެނޭކަމަށް ސަލާމަތީ ބާރުތަކުގެ ބައެއް މަސްދަރުތަކުން ބުންޏެވެ.

ޕާކިސްތާނުގެ އަސްކަރިއްޔާގެ އޮފިޝަލަކު އޭއެފްޕީ ނޫހަށް ވިދާޅުވި ގޮތުގައި، ރޭލުގައި ބާކީތިބި ފަސަންޖަރުން ވެސް ސަލާމަތްކުރުމަށް ވަރުގަދަ އޮޕަރޭޝަން ފެށުމަށް ވަނީ ތައްޔާރުވެފައެވެ.

ކިޔުންތެރިންގެ ހިޔާލު