ENGLISH

04 އޭޕްރީލު 2025

Advertisement

ޕެނަލްޓީ ޖަހައިގެން ލިވަޕޫލް ބަލިކޮށް، ޕީއެސްޖީ ކުއާޓާ އަށް

12 މާރިޗު 2025

|

މުޙައްމަދު އަދުހަމް

ރޭގެ މެޗަށްފަހު ޕީއެސްޖީގެ ކުޅުންތެރިން އުފާ ފާޅުކުރަނީ. --ފޮޓޯ: އޭޕީ

ޔުއެފާ ޗެމްޕިއަންސް ލީގުގެ ގަދަ 16 ގެ ބުރުގެ ދެވަނަ ލެގުގައި ރޭ ޕެނަލްޓީ ޖަހައިގެން 4-1 އިން ލިވަޕޫލް ބަލިކޮށް، ޕީއެސްޖީ އެ މުބާރާތުގެ ކުއާޓާ ފައިނަލަށް ދަތުރުކޮށްފިއެވެ.

މި ދެ ޓީމުގެ މެދުގައި މިދިޔަ ހަފްތާގައި ޕީއެސްޖީގެ ދަނޑުގައި ކުޅުނު މެޗުން 1-0 އިން ލިވަޕޫލް މޮޅުވިއިރު، ރޭގެ މެޗުގެ ފުރިހަމަ ވަގުތު ހަމަވިއިރު ޕީއެސްޖީ އޮތީ 1-0 އިން ކުރީގައެވެ.

އެންފީލްޑްގައި ކުޅުނު މެޗުގެ 12 ވަނަ މިނެޓުގައި ޕީއެސްޖީ އަށް ލަނޑުޖަހައިދިނީ އޮސްމާނޭ ޑެމްބެލޭ އެވެ. މިއީ ލިވަޕޫލްގެ ޑިފެންސްލައިނަށް ހެދުނު ގޯހެއްގެ ފައިދާ ނަގައި ޑެމްބެލޭ ކާމިޔާބުކުރި ގޯލެކެވެ.

ރޭގެ މެޗުގެ ފުރިހަމަ ވަގުތު ހަމަވިއިރު 1-1 ގެ އެގްރިގޭޓުން ދެ ޓީމު އެއްވަރުވުމުން، އިތުރު ވަގުތުގެ ކުޅުމަށްފަހު ނަތީޖާ ނެރެންޖެހުނީ ޕެނަލްޓީ ޖަހާށެވެ.

ޕެނަލްޓީ ޝޫޓްއައުޓްގައި ޕީއެސްޖީން ފޮނުވާލި ހަތަރު ޕެނަލްޓީ ވެސް ކާމިޔާބުކުރިއެވެ. އެ ޓީމުގެ ޕެނަލްޓީތައް ކާމިޔާބުކޮށްދިނީ ވިޓީނިއާ، ގޮންސާލޯ ރާމޯސް، ޑެމްބެލޭ އާއި ޑެޒައިރީ ޑުއޭ އެވެ.

ލިވަޕޫލުން ފޮނުވާލި ތިން ޕެނަލްޓީގެ ތެރެއިން ކާމިޔާބުކުރެވުނީ އެންމެ ޕެނަލްޓީއެކެވެ. އެއީ ސަލާހުގެ ޕެނަލްޓީ އެވެ. އެ ޓީމުގެ ޑާވިން ނޫނޭޒް އާއި ކާޓިސް ޖޯންސް ފޮނުވާލި ޕެނަލްޓީތައް ޕީއެސްޖީގެ ގޯލްކީޕަރު، ޖިއަންލުއިޖީ ޑޮންނަރުއްމާ ވަނީ މަތަކޮށްފައެވެ.

މުބާރާތުގެ ކުއާޓާގައި ޕީއެސްޖީ ނުކުންނަންޖެހޭނީ އެސްޓަން ވިލާއާ ކުލަބު ބްރޫޖް ކުރެން މޮޅުވާ ޓީމަކާ ދެކޮޅަށެވެ.

މި މުބާރާތުގައި ރޭ ކުޅުނު އަނެއް މެޗުގައި 2-1 އިން ނެދަލެންޑްސްގެ ފެޔަނޫޑް ބަލިކޮށް، އިންޓަރ މިލާން ވަނީ 4-1 ގެ އެގްރިގޭޓުން ކުއާޓާ ފައިނަލުން ޖާގަ ހޯދައިފައެވެ.

ކިޔުންތެރިންގެ ހިޔާލު